MARK 16:19 - Bawm Common Language Bible Version

¹⁹ Chuvachun, Lalpa Jisu chu an sinah thu a sim thluh rawh chun vân leiah lâk hen a um le, Pathian vawrhlei ah a to rawh.

MARK 16:19 ပူးပေါင်းရင်းမြစ်များ

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

MARK 16:20

Chun, annih chu an suak le, ram kip ah thu an sim rawh le, Lalpa nih anmah tla a ṭuanpi na le; a zûltu singsiahnâk tla hen thu chu a birhtir vima.] 9 [Nunau tla chu Peter leh a hâwi tla sinah an kal le, thâwngthang an sinah simh hen a um mi zawzawng chu a tâwikâng hen an simh na. 10 Chu nehnûnah, Jisu ngelchel nih suahlei thawk hen tlâklei ah a ṭhiruai tla chu zungzâl ruangsuahnâk thu thenhlimh leh nung chu phuang ding hen a fial na.]

LUK 22:69

Sikhawmsele, tu rî hen chun Minung Fapa hi Pathian thiltikhonâk vawrhlei ah a to lai rawh,” a ti.

LUK 9:51

Chun, vân ah a kâi ding tik a tlung awt liauah Jerusalem ah kal ding hen â hawi thlir le, a lânkhân hen thu thanhtu tla a fial na le;

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 16:28

Kei Pa sin thawk a hawng suak hen, laikulh ah hawng kal kasi; laikulh kaltâk hen, Pa sinah kal nawlh ding kasi,” a ti.

JOHAN 17:13

Sikhawmsele, tuah na sinah ka hawng awt rawh; laikulh ah hi bang thu hi ka sim asi, ka lâwmnâk anmah lakah an nei rangtlingnâk ding hen.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 21:15

Chun, zîngbuh an ei thluh ah, Jisu nih Simon Peter sinah chun, “Simon, Johan fapa, hi bang tla ngâk hen nangnih kei na ka dâwt dauh ma?” a ti. Anih nih chun a sinah, “I, Lalpa, ka nan dâwt ti na theih,” a ti. Jisu nih chun a sinah, “Ka dawrâ fa tla zauhkhenh rawh,” a ti.

JOHAN 21:22

Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 6:62

Minung Fapa hi a lânah a umnâk mun ah a kâi mi nan muh chun, zeitin si lai ne?

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 3:21

Sikhawmsele, zeizawng siamṭhat tik a tlung lânlo chu vân nih anih chu a kil rih ding asi; chu siamṭhat ding thu chu Pathian nih laikulh a siam tîr thawk hen a khuavâng thenhlimh tla kâ hen a sim rawh kha.

ROM 8:34

âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

KOLOSA 3:1

Chun, Krist sinah thawh hen nan um bâk rawh chun, tlûnlei mi, Pathian vawrhlei ah to Krist umnâk ah thil um tla chu hâwl u.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 4:14

Chun, vân ah kal rawh hen, bâwlpu lalchem rokual Jisu Pathian Fapa chu kan nei ruangah kan thu lung hi kan pawm thlir lai.

HEBRAI 6:20

Chunah chun Jisu chu Melkizedek hâwi hen, zungzâl bâwlpu lalchem si rawh hen, kan ruangrûl ah mâitâwntu ah a lût rawh.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 8:1

Chun, kan thusim tla lakah hin a pawiherh chem mi chu hi hi asi:

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.