MARK 16:17 - Bawm Common Language Bible Version

¹⁷ Chun, hi bang singsiahnâk tla nih hin lungtu chu a zûl vima lai: Ka min hen khuri tla an nâr lai le, hawlh thar hen an hawlh lai le;

MARK 16:17 ပူးပေါင်းရင်းမြစ်များ

MARK 9:38

Johan nih chun a sinah, “Sîntirtu, âunih mawh na min hen khuri tla a nar mi kan muh le, hawng kan zûl bâk lo ruangah kan khap ko rawh,” a ti.

LUK 10:17

Chun, sâwmsarih panih tla chu lâwm tak hen an hawng tlung le, “Lalpa, khuri tla khawm na min ruangah kan thu thu hen an um,” an ti.

JOHAN 14:12

Thungâi tak hen ka nan simh na, âuzawng hawng ka zumhtu nih chun thil ka ti mi tla hi anih khawm nih a ti bâk lai; hi ngâk a thil rokual khawm a ti lai, Pa sinah ka kal awt ruangah.

THILTI 10:46

Hawlh theihlo hen thu sim hen, Pathian sawr hen an theih fâwn.

THILTI 16:18

Chu hâwi hen chun ni sâwt tak a ti tâwn. Chun, Pawl chu a lung silo rawh le, â her le, khuri sinah chun, Jisu Krist min hen a sungah mi hawng suak ding hen thu ka nan pêk,” a ti. Chu liau chir chun a suak sawm rawh.

THILTI 19:6

Chun, Pawl nih an tlûnah a kut a thâng le, Thlarau Thenhlimh chu an tlûnah a hawng tlung rawh. Chun, hawlh theih loh hen thu an sim le, Pathian thu khawm an sim rawh

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 5:16

Chun, Jerusalem kiangkam khua mi, mi zapi tla khâwm chu damlo tla, khuri nâwmtâm nehsawh tla an hawng kalpi; chubang tla khawm chu an hawng dam vima.

THILTI 8:7

Mi tam tak thawk hen thlarau nâwmtâm tla chu hâu fâk tak a âu hen an hawng suak. Zeng leh kekhêng tam tak tla khawm damh an si.

1 KORIN 12:10

Midang sinah thilchê tikhonâk tla pêk asi; midang sinah thusim khonâk pêk asi; midang sinah Thlarau tla theih dik khonâk pêk asi; chun midang sinah hawlh chi dang dang hen thusim khonâk ha pêk asi; midang sinah hawlh simhfiang khonâk tla pêk asi.

1 KORIN 12:28

Chun, Pathian nih zeimaw mi tla chu kawhmi le tla lakah a siah le, a pakhatnâk ah chun mifial tla, a panihnâk ah chun khuavâng tla, a pathumnâk ah chun sîntirtu tla a siah le; chu mi nûnah chun thilchê ti tla a um le, chu mi nûnah chun damtir khonâk thilpêk tla, ṭangpi khonâk thilpêk tla, lâirêl thiamnâk thilpêk tla, hawlh chi dang dang hen thusim khonâk thilpêk tla chu a um nawlh.

1 KORIN 12:30

An ektê hen damtir khonâk thilpêk an nei ver mazei? An ektê hen hawlh theih lo hen thu an sim ver mazei? An ektê hen thu an simhfiang ver mazei?

1 KORIN 13:1

Minung hawlh leh vânmifial hawlh hen thu sim khawmsele dâwtnâk ka nei ṭung lo chun dâr ri hâu salam mawh, chêngchêng ri hâu salam mawh ka hawng si lai.

1 KORIN 14:2

Hawlh theih lo hen thusim nih chun minung sinah sim lo hen Pathian sinah sim asi dauh, âukhawm nih a thusim chu an theih lo; sikhawmsele thlarau lakah chun thu thup a sim asi.