MARK 16:16 - Bawm Common Language Bible Version

¹⁶ A lung hen baptis hen a um mi chu ruangsuak hen a um lai le, a lunglotu lam chu mawh hen a um lai.

MARK 16:16 ပူးပေါင်းရင်းမြစ်များ

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MARK 1:15

“Tik chu a hawng tlung rawh, Pathian Ram khawm a hawng nâi rawh; rim ule, Thâwngthâng Ṭha hi lung u,” a ti vima.

LUK 8:12

Chun, lam vâu ah chî a tlâ mi chu, thu theih rawh mi tla hi an si; chun Diabol chu a hawng kal le, an lung lo ding hen ruangsuah an si kho lonâk ding hen an thinlung ah mi thu a lâk piak na tâwn.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 6:29

Chun, Jisu nih an sinah, “Pathian rianṭuan chu hi hi asi, a fial mi hi zumh ule,” a ti le, a sâng.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 8:24

Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

THILTI 10:43

Âuzawng amah lungtu vial a min ruangah sual tla ngaihdam hen an um lai ti, hi bang a thâwngthâng hi khuavâng zawzawng nih an theihtir tâwn kha,” a ti.

THILTI 13:39

Mosi dân ah mawhtir lo hen nan um kholo, Âuzawng Jisu zumhtu vial chu zeilak zawngah mawhtirlo hen an um.

THILTI 13:46

Chun, Pawl leh Barnaba nih chun râlṭha tak hen an sim le, “Pathian thu hi nanmah tla sinah sim masa ding rêng asi; sikhawmsele, nan nar le, zungzâl nung tlâklo hen nanna ruat rawh nûnah hin theih u, Phundang leiah kanna her lai rawh.

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 2:41

Chun, a thu zâwttu vial baptis an si rawh le, chu ni ah chun mi sâng thum sap hen an um.

THILTI 22:16

Chun, zei rangah me na um ko? Thawk le, a baptis le, na sual na ṭâwl thiang ding hen a sinah thlacham rawh,’ hawng ka ti.

ROM 3:6

Si lo e, chu hâwi asi chun Pathian nih zeitin me laikulh lâi a rêl lai?

ROM 4:24

Jisu kan Lalpa mithi lakah mi thawhtu chu lungtu kan si le, kan lungnâk chu repnâk ah ruat asi awt.

2 THESALONIKA 2:12

thudik lunglo hen replonâk ah lâwm mi tla nih chun mawhphurhnâk anna ting khonâk ding hen.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.