MARK 16:10 - Bawm Common Language Bible Version

¹⁰ Chun, anih chu Jisu umpitu tla sinah a va kal le, mithi ulh hen ṭap liau chu a simh rawh.

MARK 16:10 ပူးပေါင်းရင်းမြစ်များ

MATHAI 19:22

Tlangvâl lam nih chun chu thu chu a theih hen ngaihsia tak hen a kal ving, sum tam tak nei mi asi ruangah.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 9:15

Chun, Jisu nih an sinah, “Mo lawmhtu tla sinah a pasal ding mi a um kar vial chu mo lawmhtu tla nih chun an ulh kho mazei? Sikhawmsele, a pasal ding mi chu an sinah mi kalpi ving ni tla a tlung teh lai, chu tikah lam chun buh an ngei teh lai.

MARK 14:72

Chun, ârkhuang veinihnâk chu a khuang sawm rawh. Chun, Peter nih chun Jisu nih a sinah, “Âr veinih a khuang lânah nangnih veithum na hawng ka pheh lai,” a ti mi thu kha a theih nawlh rawh. Chun, chu chu a dawn le, a ṭap rawh.

LUK 24:17

Chun, an sinah, “Kal pah hen nan ruat mi kha, zei thu me?” a ti. Chun, zûr tak hen an dîr rawh.

JOHAN 16:6

Hi bang thu hi ka sim ruangah nan thinlung chu ngaihsiat hen a khat.

JOHAN 20:18

Mari Magdala mi chu a va kal le, ṭhiruai tla sinah, “Lalpa chu ka muh rawh,” a ti, a sinah thu a sim zia tla khawm chu a simh na.