MARK 15:32 - Bawm Common Language Bible Version

³² Kan muh hen kan lung khonâk ding hen, Mesia, Israel Lalchem chu, tuhin kraws ah mi chu hawng ṭum se me!” an ti. Chun, amah rual hen an khenhbêk na mi tla nih chun anih chu an fâi.

MARK 15:32 ပူးပေါင်းရင်းမြစ်များ

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ZEPHANIAH 3:15

LALPA nih an rêp na mi a dawngtir rawh, nan mêlma tla khawm a kiangtir ver rawh. LALPA, Israel Pathian chu nan sinah a um le, tu chun zeikhawm ṭih ding a um lo rawh.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 1:17

Chuvachun, san zawzawng chu Abraham thawk hen David tiang hen san leili asi; David thawk hen Babulon leiah sal ah an kalpi na tiang hen san leili asi le, Babulon leiah sal ah an kalpi na mi thawk hen Mesia tiang hen san leili asi.

MATHAI 27:42

“Midang chu hum tâwn hen mah chu â hum kho lo. Israel Lalchem asi lo mazei, tuah kraws thawk hen hawng ṭum ko seh me, chun amah chu kan zumh lai.

MATHAI 27:44

Rawkmang an khenh mi tla khawm nih chun, chu hâwi ber hen an sîrleih.

MARK 15:26

Chun, a phiarnâk lasui a tlûn leiah an rîn le, “JUDA TLA LALCHEM,” ti hen.

MARK 15:27

Chun, amah rual hen chun rawkmang panih an khenhbêk na bâk; a vawrhlei ah pakhat, a kehlei ah pakhat.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 12:13

Tûmkâu tla an put le, amah dawng ding hen an va suak le, “Hosana, Lalpa min hen Israel Lalchem a hawng kal mi chu a thâw a suak,” ti hen, an âu.

ROM 3:3

Mi zeimaw mi nih lungnâk nei lo khawmsele zei me â ti le? An lunglonâk nih chun Pathian zumhkâi zia zeikhawm lo ah a siam lêm mazei?

2 TIMOTHE 2:18

Chubang tla nih chun, “Thawknawlhnâk chu tu khawm ah asi ving rawh,” ti hen, thudik leikâng chu an pialtâk le, mi zeimaw mi lungnâk an veih tâwn.