MARK 15:14 - Bawm Common Language Bible Version

¹⁴ Chun, Pilat nih chun an sinah, “Zei rangah, Zei me a sual?” a ti. Sikhawmsele, annih tla chu, “Kraws ah khenhbêk rawh,” ti hen an âu chiam.

MARK 15:14 ပူးပေါင်းရင်းမြစ်များ

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

ISAI 53:9

Thilsual tilo hen âwkrâwl thu simlo khawmsele misual tla sinah thlân ah siah hen a um le minei tla sinah vûi hen a um,” an ti.

MATHAI 27:19

Chun, lâirêlnâk tophah ah chun a to liauah, a nupi nih, “Kha mirep tak tlûnah khan zeikhawm ti lah; tusûn hin amah ruangah mang leiah thil tam tak ka tuar asi,” ti hen, a chah.

MATHAI 27:4

“Sual nei lo ka tleihtir mi kha thil ka ti sual asi,” a ti. Annih nih chun, “Chu chu kan rangah zei a pawi lai? Nangmah duhzia zawng hen ti,” an ti piak.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MARK 15:13

Chun, annih tla chu, “Kraws ah khenhbêk rawh,” ti hen, an âu nawlh.

MARK 15:15

Chun, Pilat nih chun mi zapi lungâwitir a duh le, Baraba chu a suah piak na rawh. Chun, Jisu chu a vuak thluh rawh chun kraws ah khenhbêk ding hen a pêk rawh.

LUK 23:21

sikhawmsele, an âu le, “Kraws ah khenhbêk rawh, kraws ah khenhbêk rawh,” an ti.

LUK 23:4

Chun, Pilat nih bâwlpu lal tla leh mi zapi tla sinah chun, “Hi minung lakah hin zeikhawm sualnâk ka theih lo,” a ti.

LUK 23:41

Kannih lam chu rêp ding rêng kan si; kan thilti diklo man kan tawng asi hi; hi minung nih hin zeikhawm a sual lo,” a ti.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

JOHAN 18:38

Pilat nih a sinah, “Thutak zei me si?” a ti. Chun, chu thu chu a sim kâ hen, a suak nawlh le, Juda tla sinah a va suak nawlh le, an sinah, “Zeikhawm a sualnâk ka muh lo.

JOHAN 19:6

Chun, bâwlpu lal tla leh vêngtu tla nih chun amah an muh kâ hen an âu le, “Kraws ah khenhbêk rawh! Kraws ah khenhbêk rawh!” an ti. Pilat nih an sinah, “Nanmah nih kalpi ule, kraws ah khenhbêk u; kei lam nih chun zeikhawm a sualnâk ka muh lo,” a ti.

THILTI 13:28

A thihnâk khawp rê hen a tlûnah zeikhawm an muh lo khawm ah Pilat sinah thah ding hen an ngiar.

THILTI 19:34

Sikhawmsele, anih chu Juda mi asi ti an theih kâ hen, dârkar nih tiang thurual tak hen, “Ephesi khua ah mi Artemis hi rokual tak asi!” ti karo hen an âu.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

1 PETER 1:19

Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.