MARK 14:12 - Bawm Common Language Bible Version

¹² Chun, Sang Thilnu telhlo Kût, ni masa chem, Kalkanh Kûtnâk dawrâ fa an thah tâwnnâk ni ah chun, a ṭhiruai tla nih a sinah, “Kalkanh Kût buh na ei khonâk ding hen kha zeiah va timhtuah sele na duh?” an ti.

MARK 14:12 ပူးပေါင်းရင်းမြစ်များ

EXODUS 12:18

Thla masa chem a ni leili zânlei thawk hen ni kul leh ni khat zânlei tiang hen, sang thilnu telh hen siam mi nan ei ding asi lo.

EXODUS 12:6

Churawhchun, chu thla ni leili zân ah, Israel mipi zawzawng nih chu ran tla chu an thah ding asi.

EXODUS 12:8

Chu zân ah chun sâ chu an em lai le, an nah khâ mi thilnu telh lo sang hen an ei ding asi.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

MATHAI 3:15

Sikhawmsele, Jisu nih a sinah, “Tu ah rem ti râm rawh, hi hâwi hen Pathian nih a herh a ti mi vial ti hi kan rangah a ṭha asi,” ti hen a sâng. Chun, Johan nih rem a ti.

MARK 14:1

Chun, ni nihnâk ah chun Kalkanh Kût leh Sang Thilnu telhlo Kût a um awt le; bâwlpu lal tla leh Dân sîntirtu tla nih chun amah chu ngamlêm pêk a tleih hen an thah khonâk ding zia an hâwl an hâwl le,

MARK 14:11

Chun, annih nih chun an theih kâ hen anna lâwm thlo le, a sinah tangka pêk ding hen an tiamh rawh. Chun, a tleihtirnâk ding zia remkâng a hâwl rawh.

MARK 14:13

Chun, a ṭhiruai tla lakah mi panih a fial le, an sinah, “Khuapi ah va lût ule, chunah chun mipa tibêl put hen a nan tawng na lai; amah chu zûl ko u.

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

DEUTERONOMY 16:5

“Kalkanh Kût ran chu sawnhnâk mun pakhat ah thah u, mun dang rerêng chu LALPA nan Pathian nih an pêk na awtlo. Aigupta ram nan suaktâk liau mi ni cham, nî tlâk tikah ti u.