MARK 13:9 - Bawm Common Language Bible Version

⁹ “Sikhawmsele, a thiamthih u; lâirêltu tla an tleihtir na lai le, pumhnâk in tla ah an vuak na lai. Keimah ruangah governor tla leh lalchem tla mâika ah anmah tla theihtirnâk ding hen nan dîr teh lai.

MARK 13:9 ပူးပေါင်းရင်းမြစ်များ

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

MARK 1:44

sikhawmsele, bâwlpu sinah va a zauhtir le, na thianhnâk ding hen Mosi nih thil a ruat mi tla kha ap rawh, an theihthiam khonâk ding hen,” a ti thlir le, a kaltir sawm.

MARK 13:5

Chun, Jisu nih an sinah “Âukhawm nih an perpet na lonâk ding hen a thiamthih u.

MARK 13:8

Phun dang leh phun dang anna tuk lai le, ram dang leh ram dang anna tuk lai le; mun dang dang ah lî tla â nîn lai, pâm tla a tlung lai; Chubang chu nau nei nganfâk dawmhtirnâk asi.

MARK 6:11

Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

LUK 9:5

Chun, an lawmh lo natu zawng chu, chu khua thawk hen nan suak tikah chun anmah theihtirnâk ding hen nan kezaphah ah valeidip chu khâwng u,” a ti.

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

THILTI 21:11

Chun, kan sinah a hawng kal le, a kê tla, a kut tla amah nih â phuar le, chun “ ‘Jerusalem khua ah Juda tla nih hi hâwi hen hi tâisâwm neitu hi an phuar lai le, Phundang tla kut ah an pêk lai,’ Thlarau Thenhlimh nih a ti,” a ti.

THILTI 7:54

Chun, chubang thu chu an theih hen thungâi an thin a run le, Stephen tlûnah chun an hachang an rial.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

2 THESALONIKA 1:5

Pathian lâirêlnâk rep tak singsiahnâk fiang tak asi, chu ram ruangah tuar nan si hi.

2 JOHAN 1:8

Kan ṭuan san kha nan thlâu lonâk ding hen, a man kim tak hen nan tawng khonâk ding hen a vêng u.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.