MARK 13:8 - Bawm Common Language Bible Version

⁸ Phun dang leh phun dang anna tuk lai le, ram dang leh ram dang anna tuk lai le; mun dang dang ah lî tla â nîn lai, pâm tla a tlung lai; Chubang chu nau nei nganfâk dawmhtirnâk asi.

MARK 13:8 ပူးပေါင်းရင်းမြစ်များ

2 CHRONICLES 15:6

Pathian nih hamhnâk leh nawknâk a tlungtir ruangah phun leh phun, khuapi leh khuapi anna do.

SAM 48:6

Nunau nganfâk tuar nau nei ding mi hâwi hen, thli fâk tak nih timeilawng a râwk hâwi hen,

ISAI 19:2

LALPA nih, “Aigupta ram sungah donâk ka siam lai le, u leh nau karah donâk leh zâwlbâwm leh zâwlbâwm kar lakah donâk ka lêngtir lai. Helnâk khuapi tla chu anmah leh anmah anna do lai, lalchem hel tla khawm thiltikhonâk ah zuam hen anna do lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 37:3

Isai sinah sim ding hen thuchah chu hi hi asi: “Tusûn chu tuarnâk ni asi; rêp hen leh ningzak saih hen kan um asi. Nunau nih fa a ring awt le, sikhawmsele tha rerêng a nei lo rawh mi hâwi kan si.

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 25:32

LALPA Zeizawng tikho nih chun siatnâk chu phun tla lakah pakhat khat hen a hawng tlungtir lai le, tual khatlei dawnghnâk ah thlipi rokual tak â tîm ti a sim.

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 49:24

Damaska khua mi tla chu an dî le, ningṭih ruangah an tek hep. Nunau a nganfâk mi hâwi hen nganfâk tuar leh hamh tak hen an um.

JEREMIA 50:43

Babulon lalchem nih thâwngthâng a theih le, a kut a thlâi thlo. Lawksawngnâk nih a tleih le, nunau nganfâk mi hâwi asi rawh.

JEREMIA 6:24

Jerusalem mi tla nih, “Thâwng kan theih le, kan bân uai tlek hen kan thlâi le; nunau nauneih nganfâk liau mi hâwi hen lawksawngnâk leh nganfâknâk nih hawng kan denh rawh.

HAGAI LASUIBU 2:22

lalram tla leh an thiltikhonâk ka dawngtir awt, an kari leh a khalhtu tla chu ka thal tlak lai le, rang tla an thi lai le, a tlûnah totu tla chu anmah leh anmah anna thah lai.

ZEKARIA 14:13

Chu tikah chun LALPA nih thungâi a nawktir na lai le, lâu hen mikip nih an kiangah mi an deih hen an do na lai.

MATHAI 24:8

Chubang zawzawng chu nunau nganfâk dawmhnâk asi.

MARK 13:7

Chun, râltuk thu leh râltuk thuthang tla nan theih tikah lawksawng lah u; chubang chu hawng tlung ding rêng asi; sikhawmsele, dawnghnâk chu asi lo rih.

MARK 13:9

“Sikhawmsele, a thiamthih u; lâirêltu tla an tleihtir na lai le, pumhnâk in tla ah an vuak na lai. Keimah ruangah governor tla leh lalchem tla mâika ah anmah tla theihtirnâk ding hen nan dîr teh lai.

THILTI 11:28

Chun, an lakah minung pakhat a min, Agaba a dîr le, laikulh zawzawngah pâm fâk tak a tlung awt ti Thlarau simh hen a theihtir le; chu pâm chu Klaudia lal liauah a hawng tlung rawh.

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

THUPHUANG 6:4

Chun, rang dang a sen mi a hawng suak nawlh le, a tlûnah â chuan mi sinah chun tual tuknâk umtir ding hen thuneihnâk an pêk, khatlei khatlei anna thah tawnh ding hen; chun nâmsâu lianpi an pêk.