MARK 13:6 - Bawm Common Language Bible Version

⁶ Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet lai.

MARK 13:6 ပူးပေါင်းရင်းမြစ်များ

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

MATHAI 24:11

Chun, khuavâng telê tam tak khawm an hawng suak lai le, mi tam tak an perpet lai.

MATHAI 24:5

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet awt ruangah.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

MARK 13:5

Chun, Jisu nih an sinah “Âukhawm nih an perpet na lonâk ding hen a thiamthih u.

MARK 13:7

Chun, râltuk thu leh râltuk thuthang tla nan theih tikah lawksawng lah u; chubang chu hawng tlung ding rêng asi; sikhawmsele, dawnghnâk chu asi lo rih.

JOHAN 5:43

Ka Pa min hen ka hawng mi asi, nannih nih nan ka pawm lo; midang amah min hen hawng sele, anih chu nan pawm lai.

JOHAN 8:24

Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.