MARK 13:31 - Bawm Common Language Bible Version

³¹ Tual leh vân a tlâu lai le, ka thu lam chu a tlâu lai loh.

MARK 13:31 ပူးပေါင်းရင်းမြစ်များ

2 Lal 15:12

LALPA nih lalchem Jehu sinah a sim mi kha a hawng tlung taktê asi: “Na thlâk tla chu san li tiang Israel lal ah an um lai,” a ti mi chu.

SAM 19:7

LALPA dân chu a rangtling le, chaknâk thar a pêk. LALPA thupêk chu zumh a kâi asi. Mifinglo tla rangah finghnâk a pêk.

ISAI 40:8

Asi, belh chu a uai le, chawmpâr chu a chuai le, sikhawmsele kan Pathian thu chu zungzâl a um kumza lai,” a ti.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 24:35

Tual leh vân a vei lai le, ka thu lam chu a vei lai lo.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MARK 13:30

Thungâi tak hen ka nan simh na, chubang zawzawng chu a hawng tlung lânlo chu tu san mi tla hi an tlâu lai loh.”

MARK 13:32

“Sikhawmsele, a ni leh a dâr thu chu pa cho lo nih chun âukhawm nih, vân ah vânmifial tla khawm nih, Fapa khawm nih an theih lo.

LUK 21:33

Tual leh vân a tlâu lai le, ka thu lam chu a tlâu rêng lai lo.

2 TIMOTHE 2:13

Kannih zumhtlâklo hen um kumza khawmsele, anih chu zumhtlâk hen a um kumza asi, amah leh amah a phehtâk kho lêm lo,” ti hi.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.