MARK 13:26 - Bawm Common Language Bible Version

²⁶ Chu tikah chun Minung Fapa hi thiltikhonâk fâk tak leh rokualnâk fâk tak hen sûm lakah a hawng kal mi an muh lai.

MARK 13:26 ပူးပေါင်းရင်းမြစ်များ

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

MARK 9:1

Chun, Jisu nih an sinah, “Thungâi tak hen ka nan simh na, hinah dîr tla, a zeimaw mi tla hi Pathian Ram thiltikhonâk hen hawng tlung mi an muh lânlo chu thihnâk tem lo thlo ding mi an um,” a ti.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

1 THESALONIKA 4:16

Lalpa tak chu âu hâu hen, vânmifial chungnungchem hâu hen, Pathian tâwtawrâwt hâu hen, vân thawk hen a hawng ṭum awt dangâiah; chun, Krist ah thi rawh tla chu an thawk masa lai le;

2 PETER 1:16

Kan Lalpa Jisu Krist thiltikho zia leh a hawng kalnâk thu kan theihtir na liau khan thiamthu fing tla zâwttu kan si lo le, a rokualnâk muhtu tla kan si dauh.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.