MARK 13:22 - Bawm Common Language Bible Version

²² Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

MARK 13:22 ပူးပေါင်းရင်းမြစ်များ

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MARK 13:21

“Chun, chu tikah chun âuzawng nih nan sinah, ‘Zauhnik u, Mesia hinah a um,’ mawh ‘Zauhnik u, hinah khi!’ mawh an ti na chun lung lah u.

MARK 13:23

Nannih lam chu a thiamthih u, zeizawng ka nan simhkan na rawh hi.

MARK 13:6

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet lai.

JOHAN 4:48

Chun, Jisu nih a sinah, “Singsiahnâk tla leh thilchê tla nan muh lo chun nan lung rîlmâl lai loh,” a ti.

DEUTERONOMY 13:1

“Nan lakah khuavâng nih mawh mang simhfiangtu nih mawh, a lânah nan sawnh dah loh mi Pathian sawnh leh zûl ding hen thilchê ti leh langhtir hen,

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

1 JOHAN 2:18

Ka fa le tla, tik dawnghnâk chu a nâi rawh, Krist Mêlma a hawng kal lai ti nan theih rawh hâwi khan, tu khawm ah Krist Mêlma tam tak an hawng suak rawh, churuangah chun tik madung chem asi rawh ti kan theih.

1 JOHAN 2:19

Annih chu kan lakah mi murui an si lo ruangah hawng kan kaltâk le, kanmah mi tak si na sele kan sinah an um vima ding asi, sikhawmsele, an ektê hen kanmah mi tak an si lo ti a lang fiang khonâk ding hen hawng kan suaktâk rawh asi.

1 JOHAN 2:26

Nanmah tla an bum awt natu thâwngthâng chu nan sinah ka rîn asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.