MARK 13:11 - Bawm Common Language Bible Version

¹¹ Chun, an ruai na hen, an tleihtir na tikah chun, ‘Zeime ka sim lai,’ ti hen, a dawnkan lah u; a tik takah chun a nan theihtir na mi zawng; chu tak chu sim u; a simtu chu nanmah nan si awt lo le, Thlarau Thenhlimh asi dauh awt.

MARK 13:11 ပူးပေါင်းရင်းမြစ်များ

2 SAMUEL 23:2

LALPA thlarau nih keimah mang hen thu a sim le, a thu chu ka mûr ah hin a um.

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

MATHAI 10:17

Sikhawmsele, minung lakah chun a thiamthih u; lâirêltu tla a nan tleihtir na lai le, pumhnâk in tla ah an vuak na lai le;

MARK 13:12

Chun, thah ding hen a unaupa nih a unaupa a tleihtir lai le, pa khawm nih a fa a tleihtir lai; fa tla khawm nih an nu leh an pa tla an do lai, an thahtir lai.

MARK 13:9

“Sikhawmsele, a thiamthih u; lâirêltu tla an tleihtir na lai le, pumhnâk in tla ah an vuak na lai. Keimah ruangah governor tla leh lalchem tla mâika ah anmah tla theihtirnâk ding hen nan dîr teh lai.

LUK 21:12

Sikhawmsele, chubang thil zawzawng a hawng tlung lânah chun a nan tleih na lai le, an nehsawh na lai. Pumhnâk in tla ah an kalpi na lai le, rêngin tla ah an khumh na lai; lalchem tla leh governor tla mâika ah an kalpi na lai.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

THILTI 4:31

Chun, thla an cham thluh nûnah anna pûmnâk mun chu a hawng a nîn le, an ektê hen Thlarau Thenhlimh hen an hawng khat le, râlṭha tak hen Pathian thu an sim rawh.

THILTI 6:10

Sikhawmsele, a finghnâk leh a simpitu Thlarau chu an do kho lo rawh.

THILTI 6:15

Chun, lâirêltu tla to mi zawzawng nih chun Stephen an zauh ko le, a mêl chu vânmifial mêl hâwi hen an muh.

THILTI 7:55

Sikhawmsele, anih chu Thlarau Thenhlimh hen khat asi le, vân lei a zauh thlir le, Pathian rokual zia leh Pathian vawrhlei ah Jisu a dîr mi a muh.

1 KORIN 2:13

Minung finghnâk thu leikâng ah sîntirnâk sim lo hen, Thlarau sîntirnâk thu a sim dauh hen, Thlarau lei thu tla chu thlarau lei mi tla sinah simhfiang hen, chubang thu hawng kan pêk mi tla khawm chu kan sim tâwn.

EPHESI 3:5

Chu chu tuliau a mifial thenhlimh tla leh a khuavâng thenhlimh tla sinah Thlarau theihtir hen a um rawh hâwi khan, a lân khan minung fa tla sinah theihtir hen a um dahlo;

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.