MARK 12:7 - Bawm Common Language Bible Version

⁷ Sikhawmsele, chubang a bultu tla nih chun, ‘Hi minung hi rotingtu ding chu asi; kan thah lai! Chun, a roting ding mi hi kan tâ asi ko lai,’ anna ti.

MARK 12:7 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

GENESIS 37:20

tuah hawng ule, kan thah lai le, a ruak chu tikhurchawh a kang mi lakah kan lawnh ving lai; ramsa nih a thah kan ti khonâk ding hen, chu tikah a mang zei hâwi asi rêng kan theih kho lai,” an ti.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

MATHAI 2:16

Chu liau chun Herod nih mifing tla nih an perpet asi ti a theih kâ hen a thinthawk, mi a fial le, a tik fiang tak hen mifing tla a deih na hâwi khan, Bethlehem leh a kiangkam zawzawng ah mipa ngâksia kum nih rî hen a tanglei mi chu an ektê hen a thah hep na.

MATHAI 21:34

Chun, a rah kawih a zâ awt rawh chun a rah lâk ding hen a bultu tla sinah a sal tla a fial.

MARK 12:12

Chun, amah chu tleih an tum le, sikhawmsele, mi zapi chu an ṭih le; chu tahṭhimh thu chu anmah tla tisan hen a sim ti an theih dangâiah. Chun, amah chu an kaltâk le, an kal rawh.

MARK 12:6

Chun, pakhat, fapa duhtak a nei rih; ‘Ka fapa hi chu an zah lai,’ ti hen, anih chu a madung chem ah an sinah a fial.

MARK 12:8

Chun, anih chu an tleih le, an thah le, grep dûm ah mi chu an lawnh rawh.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 5:28

“Hi min hen sîntir lo ding hen kan nan ti thlir na rawh khateh, sikhawmsele nan thusim Jerusalem a khat rawh, hi minung thihnâk ruangah mawhtir ding nan hawng kan duh asi hi,” ti hen, a salh na.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.