MARK 12:26 - Bawm Common Language Bible Version

²⁶ Chun, mithi tla thawh hen an um ding thu chu-- Mosi lasuibu ah, Thingbû thu ah khan Pathian nih, ‘Kei Abraham Pathian, Isak Pathian, Jakob Pathian kasi,’ ti hen, a sawnh zia kha nan rêl lo mazei?

MARK 12:26 ပူးပေါင်းရင်းမြစ်များ

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 28:13

LALPA chu a kiangah a dîr ko. “Kei, LALPA, Abraham leh Isak Pathian kasi,” a ti. “Hi na itnâk ram hi nang leh na thlâk tla rangah kan pêk na lai.

GENESIS 31:42

Ka pa le tla, Abraham leh Isak Pathian ka sinah um lah sele, takkaro hen na hawng ka tlungtir lai. Sikhawmsele, Pathian nih ka lawksawngnâk leh rian ka ṭuan mi tla a muh le, mazân khan lâi a hawng rêl rawh,” a ti.

GENESIS 32:9

Churawhchun, Jakob nih thla a cham le, “Ka pu Abraham leh ka pa Isak Pathian, hawng ka ngâi piak: LALPA, ka ram le, ka unau leiah kîr nawlh ding hen na ka simh le, thil zeizawng ka rangah ṭha vima ding hen na ruat.

GENESIS 33:20

Chunah chun mâichâm a siam le, a min ah Israel Pathian min suangkhâng hen ‘’El-Elohe’’ a ti.

EXODUS 3:16

Kal le Israel ruitu tla pumh na le, Kei, an thlâktu tla Pathian, Abraham Pathian, Isak leh Jakob Pathian na sinah ka langh mi tla simh na. An sinah ka hawng mi leh Aigupta mi tla nih an tlûnah an ti na dân ka muh mi tla simh na.

MARK 12:10

Hi Pathian lasui thu hi nan rêl lo mazei? “ ‘In saktu tla duh lo mi lung kha, chu tak chu a kil ah lung herh chem a hawng si rawh.

MARK 12:25

Mithi lakah mi an thawknawlh tikah chun mipa leh nunau tla anna umh lai lo rawh le, vân ah vânmifial tla hâwi hen an si awt lehlam asi.

LUK 20:37

Mithi thawh hen an um lai ti Mosi khawm nih Thing bû thu ah Lalpa chu, Abraham Pathian, Isak Pathian, Jakob Pathian, a ti liau khan a theihtir kha.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

ROM 11:2

Pathian nih a theihkan mi tla chu a lawnh lo. Pathian lasui thu nih Elija thu a sim mi hi nan theih lo ma? Anih nih chun Israel mi tla thu Pathian sinah a tlunh le,