MARK 11:3 - Bawm Common Language Bible Version

³ Chun, âutal nih, ‘Kha kha zei rangah nan ti awt?’ an ti na chun, ‘Lalpa nih a duh asi, hinah a hawng thaktir nawlh sawm lai,’ ti u, a ti.

MARK 11:3 ပူးပေါင်းရင်းမြစ်များ

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

SAM 24:1

Laikulh leh a sungah um mi zawzawng chu LALPA tâ asi. Tual leh a tlûnah um mi zawng khawm a tâ asi.

MARK 11:2

an sinah, “Nan mâilei khua ah khin va kal ule, chun nan lût tîrah Sanatung fa rêng mi, âukhawm chuan dah lonâk nan va muh sawm lai; chu chu sût ule, hawng ruai u.

MARK 11:4

Chun, an kal le, zâwllâi ah inkhâr lênglei ah Sanatung fa rêng mi an va muh le; chun chu chu an sût rawh.

MARK 14:15

Chun, amah nih a tlûn chuanh kardang kâu tak, thil-le-rî um chia, timh chia a nan zauhtir na lai; chunah chun kan rangah timhtuah u,” a ti.

THILTI 1:24

Chun, thla an cham le, “Nang Lalpa, minung zawzawng thinlung theihtu,

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 17:25

thil a samphâng mi hâwi hen minung kut hen rianṭuan piak hen a um dah loh, amah ngelchel chu nungnâk tla, thawsuaknâk leh thil zeizawng pêktu asi.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.