MARK 11:23 - Bawm Common Language Bible Version

²³ Thungâi tak hen ka nan simh na, âuzawng hi tlâng sinah hin, Hawng a ṭhinh le, tisumsumriat ah a lawnh rawh,’ ti hen, a thinlung ah zumhmaih lo hen a sim mi chu a tlung ngelchel lai ti lungtu nih an sim zia zawng hen an muh lai.

MARK 11:23 ပူးပေါင်းရင်းမြစ်များ

SAM 37:4

Na lâwmnâk chu LALPA sinah hâwl le, na thinlung duh chu an pêk lai.

MATHAI 14:13

Chun, Jisu nih chu chu a theih rawh chun, chunah mi chu lawng hen mi kingnâk mun ah a dang hen a kal rawh. Sikhawmsele, mi zapi tla nih chun an theih kâ hen khua thawk hen kê a kal hen an zûl rawh.

MATHAI 17:20

Chun, anih nih chun an sinah “Nan lung tâwm ruangah. Thungâi tak hen ka nan simh na, anṭam chî fang khat hâwi lungnâk nan nei chun, hi tlâng sinah hin, ‘Hi thawk hen khinah khin va a ṭhinh,’ nan ti lai le, â ṭhial ko lai;

MATHAI 21:21

Chun, Jisu nih an sinah, “Thungâi tak hen ka nan simh na, lungnâk nan nei hen, nan zumhmaih lo chun, theipi lakah ti mi cho hi nan ti lai lo le, hi tlâng sinah khawm hin hawng a ṭhial le, tisumsumriat ah hawng a lawnh rawh, nan ti chun, nan ti hâwi hen a hawng um lai.

LUK 17:6

Chun, Lalpa nih chun, “Anṭam chî fang khat hâwi lungnâk nan nei chun, hi theipi kûng sinah hin, ‘Hawng a phâwi le, tisumsumriat ah va a phun, nan ti lai le, nan thu a âwi ko lai,” a ti.

JOHAN 14:13

Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

JOHAN 15:7

Nannih keimah lakah nan um kumza hen, ka thu nanmah lakah a um kumza chun, nan duh mi zawng deih u, nan rangah ti hen a um vima lai.

1 KORIN 13:2

Chun, thusim khonâk nei hen, thu thup zawzawng leh theih khonâk zawzawng theih ver khawmsele, tlâng ṭhinh khawp rê hen lungnâk nei khawmsele dâwtnâk ka nei ṭung lo chun zeikhawm kasi lai loh.