MARK 11:18 - Bawm Common Language Bible Version

¹⁸ Chun, bâwlpu lal tla leh Dân sîntirtu tla nih chun chu chu an theih le, amah chu an ṭih ruangah a veihnâk ding zia an hâwl. Mi zapi zawzawng nih chun a sîntirnâk chu thungâi chê an ti.

MARK 11:18 ပူးပေါင်းရင်းမြစ်များ

1 Lal 21:20

Ahab nih Elija a muh kâ hen a sinah, “Ka mêlmapa, ka sinah na hawng mu?” a ti. Elija nih a sâng le, “Asi, ka hawng mahi! LALPA mitmuh hen thilsual ti ding hen na pumpêk ual ma kha!

1 Lal 22:18

Ahab nih Jehosaphat sinah, “Kei rangah chun a ṭha leikâng hen zeikhawm a sim lo ka nan ti asi lo ma? Ṭhalo kumza hen a sim!” a ti.

1 Lal 22:8

Ahab nih a sâng le, “Pakhat a um rih, Imlah fapa Mikaiah, sikhawmsele anih chu ka hua asi; kei rangah a ṭha kâng hen zeikhawm a sim lo ruangah, a sia lei kumza hen a sim tâwn,” a ti. “Chu minung chu sim khawm sim lah,” ti hen Jehosaphat nih a sâng.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

MATHAI 21:15

Sikhawmsele, bâwlpu lal tla leh Dân sîntirtu tla nih a thilchê ti tla leh Pathian Biakin ah, “David Fapa, Hosana!” ti hen, ngâksia âu tla an muh rawh chun, thungâi an lungsi lo le,

MATHAI 7:28

Chun, hi hâwi hi asi le, Jisu nih chubang thu chu a sim thluh kâ hen, mi zapi tla nih a thu sîntir chu thungâi chê an ti le,

MARK 1:22

A thu sîntirnâk chu chê an ti thlo; Dân sîntirtu tla hâwi silo hen, thuneihnâk nei hâwi tak hen anmah tla a sîntir na ruangah.

MARK 11:32

‘Minung thu,’ kan ti lai dek maw aw?” an ti. (Sikhawmsele, mi zapi chu an ṭih le, mi zawzawng nih Johan chu khuavâng ta tak ah an ruat khap ruangah.)

MARK 12:12

Chun, amah chu tleih an tum le, sikhawmsele, mi zapi chu an ṭih le; chu tahṭhimh thu chu anmah tla tisan hen a sim ti an theih dangâiah. Chun, amah chu an kaltâk le, an kal rawh.

MARK 3:6

Chun, Farisai tla chu an suak le, amah an thah kho zia ding ruat hen Herod murui tla hen chun anna thluk sawm.

MARK 6:20

Herod nih Johan chu mirep leh thenhlimh tak asi ti a theih ruangah amah chu a ṭih le, a hum thlir asi, a thu a ngâi chun a lawksawng ngâi tâwn.

LUK 19:47

Chun, nisiar Pathian Biakin ah chun a sîntir tâwn; chun, bâwlpu lal tla leh Dân sîntirtu tla leh mi zatlâng lakah hotu dauh tla nih amah veih ding an tum.

LUK 2:47

Chun, a thu theihtu zawng nih chun a theih zia leh a sâng zia chu thungâi chê an ti.

LUK 20:19

Chun, chu liau takah chun Dân sîntirtu tla leh bâwlpu lal tla nih tleih an tum le, sikhawmsele mi zapi chu an ṭih le, chu tahṭhimh thu chu anmah ti san hen a sim ti an theih ruangah.

LUK 4:22

Chun, an ektê hen amah an sawr le, a hawlhkâ suak zângfah thu tla thungâi chê an ti. Chun, “Hi minung hi Josef fapa asi lo mazei?” an ti.

JOHAN 7:1

Chu nûn chun, Jisu nih Galili ram a ṭawl le; Juda tla nih amah thah an tum ruangah Judai ram chu a ṭawl duh lo.

JOHAN 7:19

Mosi nih Dân chu an pêk na lo mazei? Sikhawmsele, nan lakah âukhawm nih Dân chu nan zâwt fâwn lo. Nannih nih zei rangah thah nan hawng ka tum?” a ti.

JOHAN 7:46

Vêngtu tla nih chun, “Khi bang hâwi hen mi nih thu an sim dahlo,” an ti le, an sâng.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.