MARK 11:14 - Bawm Common Language Bible Version

¹⁴ Chun, Jisu nih thing chu a sawnh le, “Tu thawk hen kumleza hen na lakah âukhawm nih rah ei lah rawh seh,” a ti. A ṭhiruai tla nih chun chu chu an theih.

MARK 11:14 ပူးပေါင်းရင်းမြစ်များ

MATHAI 21:19

Chun, lam vâu ah chun theipi kûng a muh le, a va fûk le, a nah cho lo chu zeikhawm a muh lo. Chun, a sinah, “Zungzâl hen hawng rah lah rawh!” a ti. Chun, theipi chu a uai sawm rawh.

MATHAI 21:33

“Tahṭhimh thu dang ngâi u: mi âumawh in dâwngpu a um le, chu nih chun grep dûm a siam le; dâi hen a kulh le, grep sûrnâk khur a chawh le, in sâng a sak le; chun a bultu tla sinah a thlawh lawh ding hen a ap na le, ram dang ah a kal rawh.

MATHAI 21:44

Chun, chu lung tlûnah tlû mi chu a kuai dip lai; a denh mi châng chu dip ver a rial lai,” a ti.

MATHAI 3:10

Tu thawk hen reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn.

MATHAI 7:19

Thing kip a rah a ṭhalo mi zawng chu an hâu le, mei ah an paih tâwn.

MARK 11:13

Chun, theipi kûng nah nei râl lât hen a muh le, a rah muh ding hen a va kal le; chun a va tlung rawh chun a nah cho lo chu zeikhawm a muh lo le; theipi rah tik asi lo rêng asi.

MARK 11:15

Chun, Jerusalem ah chun an tlung rawh. Pathian Biakin ah Jisu chu a va lût le, chunah mi zuartu tla leh châwktu tla chu a nar na le, tangka thlengtu tla dawhkân tla leh vaṭhu zuartu tla tophah tla khawm chu a thlûk piak na le;

JOHAN 15:6

Mi keimah lakah a um kumza lo chun, ṭeng hâwi hen lawnh hen a um le, a uai tâwn; chun, an khawmh le, mei ah an paih le, a kâng tâwn.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

THUPHUANG 22:11

Mi replo chu replo hen um ko na seh, mi nâwmtâm chu nâwmtâm hen um ko na seh, mirep chu rep hen um ko na seh, mi thenhlimh chu thenhlimh hen um ko na seh,” a ti.