MARK 10:24 - Bawm Common Language Bible Version

²⁴ Chun, ṭhiruai tla nih chun a thusim chu thungâi chê an ti. Jisu nih a sâng nawlh na le, “Ka fa tla, sum rinhsantu tla rangah Pathian Ram ah lût a har â!

MARK 10:24 ပူးပေါင်းရင်းမြစ်များ

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

SAM 52:7

“Zauhnik, Pathian lakah him ding hen ngauh lo hen a neih le siah leh thilsual lakah him ding a tum mipa hi,” an ti lai.

SAM 62:10

Tha-le-zâng ko zumh lah; rawk hen lâwk a tum lah, neih leh siah khawmsele, chu lakah a ngauh lah.

THUFING LASUIBU 11:28

A neihnâk ngauhsantu chu busik pâr ah nah a tlawng mi hâwi hen a um lai le, sikhawmsele mirep lam chu ṭhâlpini thing nah a chawrh mi hâwi asi lai.

THUFING LASUIBU 18:11

Minei tla nih an neihnâk chu an humtu ding hen khuapi kulh bir tak leh sâng tak hen an ngaih.

THUFING LASUIBU 23:5

Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

HABAKUK 2:9

Zângran ko hen mi thil lâk piak hen na dâwngsungkhur neihnâk na siam le, tuarnâk leh ṭihnungkâi lakah na in sungkhur chu hum ding na tum ruangah na vânduai rawh!

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

MATHAI 19:25

Chun, ṭhiruai tla nih chu chu an theih hen thungâi chê an ti le, “Âu me ruangsuak si kho lai?” an ti.

MARK 1:27

Chun, an ektê hen thungâi chê an ti. Chuvachun, “Hi hi zei me si le? Sîntirnâk thar asi ma hi! Khuri nâwmtâm tla khawm thu nei tak hen thu a pêk le, a thu anna âwi vima ko râu,” ti hen, anna cheih.

MARK 10:23

Chun, Jisu nih a kiangkam a zauh le, a ṭhiruai tla sinah chun, “Sum leh pâi chawng tla rangah chun Pathian Ram ah lût a har awt â!” a ti.

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

JOHAN 13:33

Nau le tla, sâwtlotê nan sinah ka um rih. Nannih nih nan hawng ka hâwl lai; chun, Juda tla sinah, ‘Ka kalnâk ding ah nan hawng kal kho lai lo,’ ti hen ka sim hâwi khan tu ah chu hâwitê hen nan sinah, ka sim hi.

JOHAN 21:5

Chun, Jisu nih an sinah, “Nau le tla, ngâ nan tawng ma?” a ti. Annih nih chun a sinah, “Kan tawng lo,” an ti le, an sâng.

JOHAN 6:60

Chuvachun, a ṭhiruai tla zeimaw mi tam tak nih chu chu an theih le, “Hi hi thu har tak asi: âunih a ngaihtawnh dân a thiam kho lai?” an ti.

GALATIA 4:19

Ka fa duhtak le tla! Krist chu nanmah lakah siam rangtling hen a um lânlo chun fa ring nganfâk hâwi hen kan lungkham nawlh na.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:21

Ka fa le tla, pathian diklo tla lakah a dang hen a thlei u.

THUPHUANG 3:17

‘Ka nei le, sum leh pâi ka chawng le, zeikhawm ka samphâng lo,’ na ti le, sikhawmsele, mi ngâkṭah tak leh zângfah kâi tak na si zia tla, na pâm zia leh takkaro leh mitchâw na si zia na theih lo asi.