MARK 10:22 - Bawm Common Language Bible Version

²² Sikhawmsele, chubang thu lakah chun a mêl chu a hawng mûi khup le, ngaihsia tak hen a kal rawh; sum tam tak nei mi asi ruangah.

MARK 10:22 ပူးပေါင်းရင်းမြစ်များ

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 19:22

Tlangvâl lam nih chun chu thu chu a theih hen ngaihsia tak hen a kal ving, sum tam tak nei mi asi ruangah.

MATHAI 27:3

Juda, a tleihtirtu nih khan Jisu an mawhtir ti a theih kâ hen â sîr le, tangka shekel sâwmthum kha bâwlpu lal tla leh upa tla sinah a hawng put nawlh le,

MARK 10:21

Chun, Jisu nih amah chu a zauh le, a zângfah le, a sinah, “Kâng khat na bat rih; kal le, na neih zawzawng zuar le, mipâm tla sinah pêk rawh, chun, vân ah ro na nei lai; chun hawng kal le, hawng ka zûl,” a ti.

MARK 10:23

Chun, Jisu nih a kiangkam a zauh le, a ṭhiruai tla sinah chun, “Sum leh pâi chawng tla rangah chun Pathian Ram ah lût a har awt â!” a ti.

MARK 6:20

Herod nih Johan chu mirep leh thenhlimh tak asi ti a theih ruangah amah chu a ṭih le, a hum thlir asi, a thu a ngâi chun a lawksawng ngâi tâwn.

MARK 6:26

Chun, lalchem chu thungâi a lawksawng. Sikhawmsele, a siatsirh tla leh a buh dûmpitu tla ruangah chun a êl duh lo.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 18:23

Anih lam nih chun chubang thu chu a theih rawh chun thungâi a zûr le, thungâi a nei ruangah.

2 KORIN 7:10

Pathian duhzia hâwi hen ngaihsiatnâk nih chun ruangsuahnâk ding hen sîrnâk cho silo hen rimnâk a siam tâwn; laikulh ngaihsiatnâk nih chun thihnâk a siam dauh tâwn.

EPHESI 5:5

Pung mang leh mi nâwmtâm leh mi duhlei rerêng nih chun (mi duhlei chu ruk sawnhtu asi) Krist leh Pathian Ram ah chun tingvo rêng an nei lo ti nan theih asi.

2 TIMOTHE 4:10

Dema nih chun tuliau laikulh hi a sunhsak ruangah hawng ka kaltâk le, Thesalonika khua ah a kal rawh. Kresken chu Galatia ram ah a kal rawh le, Tita chu Dalmatia ah a kal bâk.