MARK 10:18 - Bawm Common Language Bible Version

¹⁸ Chun, Jisu nih a sinah, “Zei rangah me mi ṭha na ka ti? Minung pakhat cho lo chu âukhawm mi ṭha an um lo, chu chu Pathian asi.

MARK 10:18 ပူးပေါင်းရင်းမြစ်များ

SAM 119:68

Na ṭha hen vêl na nei a! Na thupêk tla hawng ka sîntir.

SAM 145:9

Mikip sinah a ṭha le, a thilsiam zawzawng lakah ṭhat a suah.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

MATHAI 19:17

Chun, anih nih chun, “Thil ṭha thu zeirang ah na ka deih? A ṭha mi chu pakhat cho a um; zeikhawm si sele, nungnâk ah lût na duh chun thupêk tla chu zâwt rawh,” a ti.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

MARK 10:19

Thupêk tla chu na theih ko khateh, ‘Mi thah lah, ṭângdang pawmtâk lah, fîr lah, theihpitu âwkrâwl ah suak lah, bum lah, na nu leh na pa zah rawh,’ ti tla hi,” a ti.

LUK 18:19

Chun, Jisu nih a sinah, “Zei rangah ‘ṭha’ na ka ti? Mi pakhat cho lo chu âukhawm ṭha an um lo, chu chu Pathian asi.

ROM 3:12

Amah lo leiah an pial ver le, zeikhawm chawhchân lo hen an um ver: âukhawm thil ṭha ti rerêng an um lo, pakhattê men an um lo.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 4:8

Zângfahnâk neilotu nih chun Pathian a theih lo, Pathian chu zângfahnâk asi.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.