MARK 10:14 - Bawm Common Language Bible Version

¹⁴ Sikhawmsele, Jisu nih chu chu a muh rawh chun thungâi a lungsi lo; ṭhiruai tla sinah chun, “Ngâksia tetê tla ka sinah hawng kaltir ule, nar lah na u; Pathian Ram chu hi bang mi tla tâ asi.

MARK 10:14 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

SAM 78:4

LALPA rokualnâk leh a thilti rokual tla, thilchê a ti mi tla chu kan fa le tla lakah pheh lo hen thlâk hawng um ding mi sinah khawm kan simh na lai.

ISAI 65:23

An rianṭuan ah anna dingchang lai le, an fa le nih siat leh râwknâk an tawng lai lo. Tik a hawng um ding mi zawzawng lakah anmah leh an thlâk tla mal ka sâwm na lai.

NUMBER 14:31

Nan fa tla tleih an siding hen nan ruat le, sikhawmsele nan duh lo mi ram ah chun Keimah nih ka kalpi na lai le, an umnâk ram asi lai.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

MATHAI 18:4

Chun, hi ngâksiatê hâwi hen â nâutir mi zawng, chu minung chu Vân Ram ah a rokual chem lai.

MATHAI 19:14

Jisu lam nih chun, “Ngâksia tetê ka sinah hawng kaltir ule, nar lah na u; Vân Ram chu hi bang hâwi mi tla tâ asi ruangah,” a ti.

MATHAI 5:10

“Repnâk ruangah nehsawh tuar rawh tla chu an thaw a suak; Vân Ram an tâ asi ruangah!

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MARK 3:5

Chun, an thinlung chang zia chu thungâi pawi ti piak hen, thinthawk bû hen anmah tla a zauh na nûnah chu minung sinah chun, “Na kut zangh rawh,” a ti. Chun, a van zangh le, a kut chu a dam rawh.

MARK 8:33

Anih lam chu â her le, a ṭhiruai tla chu a zauh le, “Setan, ka dung leiah kal rawh, Pathian thil tla dawn lo hen, minung thil tla na dawn asi hi,” ti hen, Peter nun a simh rawh.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

THILTI 3:25

Nannih hi khuavâng tla leh thutiam fa tla nan si asi; Pathian nih Abraham sinah, Nangmah ruangah laikulh phun kip an thaw a suak lai, ti hen, nan thlâktu tla sinah a tiamh kha.

ROM 11:16

Chun, sang sêu masa mi chu a thenlimh chun a tlang khawm chu hâwi a thenlimh asi, chun a ram chu a thenlimh chun ṭeng tla khawm chu hâwi ber asi.

ROM 11:28

Thâwngthâng Ṭha lei dawn chun nanmah tla rangah mêlma an si le, thîm leikâng thu ruat lam chun thlâktu tla ruang khan duhtak tla an si.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

1 KORIN 7:14

Pasal lunglo mi chu a nupi ruangah Pathian sinah pawmtlâk hen a um le; nupi lunglo mi khawm chu a pasal ruangah Pathian sinah pawmtlâk hen a um bâk; chu hâwi si lah sele, an fa tla chu lunglo mi fa tla hâwi an si lai, sikhawmsele chu hâwi asi ruangah annih tla chu Pathian sinah pawmtlâk hen an um asi.

EPHESI 4:26

Thinrun khawm ule, sual lam chu sual lah u; nan thinthawknâk chu nî nih tlâkpi lah seh.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

2 TIMOTHE 1:5

Na pi Loisi leh na nu Euniki khawm nih an nei mi lungnâk tak na nei ti ka theih.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

JOSUA 8:35

Nunau ngâksia, ramdang minung an sinah um mi tla zawzawng pumhnâk ah Mosi thupêk zawzawng chu Josua nih a rêl hep.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

THUPHUANG 14:5

Diklonâk âwkrâwl an sim mi âunih khawm an theih dahlo.

1 SAMUEL 1:11

Hanah nih thutiamnâk bir tak hen a siam, “LALPA, zeizawng tikho, na to-aw hi hawng ka zauhnik, ka lawksawng zia hi hawng ka zauh le, theihkumza, hawng ka philh rîlmâl lah! Fapa na ka pêk chun a dam sung zawzawng na sinah pêk ding hen leh a sam mêt lo thlo ding hen thu ka tiam,” a ti.

1 SAMUEL 1:22

Chu tan ah chun Hanah chu a va kal lo, a pasal sinah, “Hi ngâksia hi a tlei dauh tikah LALPA in ah ka kalpi lai le, chunah chun a san tlum hen a um lai rawh,” a ti.