MARK 1:8 - Bawm Common Language Bible Version

⁸ Kei nih chun tî hen ka nan baptis na tâwn le; anih lam nih chun Thlarau Thenhlimh hen a nan baptis na lai,” ti hen, a sim.

MARK 1:8 ပူးပေါင်းရင်းမြစ်များ

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

JOEL 2:28

“Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

MATHAI 3:11

Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MARK 1:7

Chun, “Ka dung leiah keimah ngâk hen rokual dauh a hawng kal liau asi; kûn hen a pheikawk ri sût tlâk khawm kasi lo.

MARK 1:9

Chun, chu liau chun tihin asi le, Jisu chu Galili ram ah Nazaret thawk hen a hawng kal le, Jordan Va ah chun Johan sinah baptis asi rawh.

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

JOHAN 1:26

Chun, Johan nih an sinah, “Kei nih tî hen ka baptis le, nan lakah mi pakhat nan theihlo mi a dîr asi.

JOHAN 1:33

Amah chu ka theih lo le, sikhawmsele, tî hen baptis ding hen hawng ka fialtu nih khan ka sinah, ‘Âu tlûn zawng ah Thlarau hawng ṭum hen, a tlûnah um ko na muh mi chu, amah chu Thlarau Thenhlimh hen baptistu ding chu asi,’ hawng ka ti.

THILTI 1:5

“Johan nih khan tî hen a baptis tâwn le, sikhawmsele ni sâwtlotê ah Thlarau Thenhlimh hen baptis nan si lai,” a ti.

THILTI 10:45

Chun, fêmtan tla lakah lungtu tla, Peter zûltu vial nih chun Thlarau Thenhlimh pêk mi chu Phundang tla lakah khawm tawih asi ruangah thungâi chê an ti.

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.