MARK 1:41 - Bawm Common Language Bible Version

⁴¹ Chun, anih nih chun thungâi a zângfah le, a banh le, a tawngh, “Ka duh e, hawng thiang rawh,” a ti.

MARK 1:41 ပူးပေါင်းရင်းမြစ်များ

GENESIS 1:3

Churawhchun, Pathian nih, “Chêu hawng um rawh,” ti hen thu a pêk le, chêu chu a hawng um rawh.

SAM 33:9

Thu a sim le, laikulh chu siam hen a um; a thupêk lakah thil zeizawng a lang.

MATHAI 9:36

Chuvachun, mi zapi tla chu a muh le, vêngtu nei lo dawrâ tla hâwi hen hamh leh rek phun hen an um ruangah thungâi a siherh na.

MARK 1:40

Chun, Jisu sinah phâr a hawng kal le, “Na duh chun na hawng ka thiangtir kho,” ti hen, a mâika ah siksidîr hen a ngiar chiam.

MARK 1:42

Chun, zeikarlo ah a phâr chu a reh sawm le, a hawng thiang rawh.

MARK 4:39

Chun, anih chu a hawng a ṭhang le, thli chu a fâî le, rilî sinah khawm chun, “Dâisip le, um ziar rawh!” a ti. Chun, thli chu a bâng le, a reh dup ko.

MARK 5:41

Chun, ngâksia kut chu a tleih le, a sinah chun, “Talitha, koum,” a ti, chu chu “Kuih nu, thawk rawh ka nan ti!” tinâk asi.

MARK 6:34

Chun, Jisu chu vakap ah a suak le, mi zapi cherkhet a muh na le, vêngtu nei lo dawrâ tla hâwi an si ruangah thungâi a zângfah na le, thu tam tak a sîntir na rawh.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.