MARK 1:40 - Bawm Common Language Bible Version

⁴⁰ Chun, Jisu sinah phâr a hawng kal le, “Na duh chun na hawng ka thiangtir kho,” ti hen, a mâika ah siksidîr hen a ngiar chiam.

MARK 1:40 ပူးပေါင်းရင်းမြစ်များ

GENESIS 18:14

LALPA rangah thil a har mi a um mazei? Ka sim hâwitê hen tu thawk hen a thla kuanâk ah ka hawng kîr nawlh lai le, Sari nih fapa a nei lai,” a ti.

2 SAMUEL 3:29

Joab leh a dâwngsung tla tlûnah rêpnâk chu tlung seh! Phâr mawh vunrâi mawh, rianṭuan kho lo hen mawh, râltuknâk ah thi hen mawh, pâm hen mawh an thlâk tla tlûnah um seh,” a ti.

2 Lal 15:5

LALPA nih Uziah chu phâr a veitir le, a thih tiang hen a dam kho lo. Amah lâwng hen in pakhat ah a um, a rian khawm a ṭuan kho lo; chu kar chun a fapa Jotham nih lâi a rêl.

2 Lal 7:3

Samaria kulh lênglei ah phâr pali um mi tla nih, “Zei rangah thihnâk ngâk hen hinah kan um ko.

2 CHRONICLES 6:13

(Solomon nih dâr dawhkân a siam le, kulhsung lâi ah a siah. A dung a vâng tia cho hen feet 7.5 asi, a sânglei feet 5 asi. Chu dawnh tlûnah chun a kâi le, zapi mitmuh hen a siksidîr le, vân leiah a bân a phar.)

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 17:14

Chun, mi zapi sinah an hawng tlung rawh chun, minung pakhat a sinah a hawng kal le, a mâika ah siksidîr hen,

MARK 1:41

Chun, anih nih chun thungâi a zângfah le, a banh le, a tawngh, “Ka duh e, hawng thiang rawh,” a ti.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

LUK 22:41

Chun, lung seh phâk rî hen a dang hen a va kal le; chun a siksidîr le, thla a cham.

THILTI 7:60

Chun, a siksidîr le, hâu fâk tak hen a âu le, “Lalpa, an thilsual ti hi an tlûnah mawh phurhtir lah na,” a ti. Chun, chu thu chu a sim thluh kâ hen a thi rawh.

EPHESI 3:14

Churuang chun, Krist chu lungnâk ruangah nan thinlung ah â chêl khonâk ding hen, a rokualnâk neih zia hâwi vima hen a Thlarau zârah minung sungril leiah chun thiltikhonâk ah chaktir hen a nan umtir na khonâk ding hen, Pa, tual leh vân ah dâwngsungkhur kip min putso mâika ah chun ka siksidîr tâwn le, chun Pathian rangtlingnâk zawng tluk hen khattir a nan um khonâk ding hen, nannih zângfahnâk ah ram thlâk leh ngauhsan nei a um hen, mi thenhlimh zawzawng hen a kauh zia, a sâu zia, a sâng zia, a thûk zia tla theihfiang khonâk, Krist zângfahnâk theih phâk lo theih khonâk nan nei kho lai.