MARK 1:32 - Bawm Common Language Bible Version

³² Chun, zânleibâi ah nî a tlâ nûnah chun damlo zawzawng leh khuri vuanh tla a sinah an hawng put.

MARK 1:32 ပူးပေါင်းရင်းမြစ်များ

MATHAI 4:24

Chun, Siria ram zawzawngah a thâwng a thang le, chun mi damlo zawzawng damlonâk leh nganfâknâk kip tuar tla, khuri vawnh tla, rualthlû tla, mi khêng tla a sinah an hawng put le, a damh ver na.

MATHAI 8:16

Chun, zânleibâi ah chun, a sinah khuri vuanh tla tam tak an hawng put le; chun thu hen khuri tla a nar le, damlo zawzawng tla chu a damh na le:

MATHAI 8:17

Khuavâng Isai nih, “Amah ngelchel nih kan chaklonâk tla a lâk le, kan nganfâk tla a phurh,” ti hen a sim mi chu a hawng tlung khonâk ding hen.

MARK 1:21

Chun, Kapernaum khua ah a va lût le; chun Dinhni ah chun pumhnâk in ah a va lût le, a sîntir sawm na.

MARK 1:31

Chun, anih nih chun a kut a tleih le, a thawh rawh; chun a zâwt chu a reh le, an eibâr a timhtuah piak na rawh.

MARK 3:2

Chun, amah an phiar khonâk ding hen Dinhni ah a damh awt leh awtlo an thlingthlâk.

LUK 4:40

Chun, nî tlâk awt bâiah nganfâk dang dang hen damlo tla, damlo a nei mi zawzawng nih a sinah an hawngpi le; chun an ektê tlûnah a kut a thâng chiau le, a damh vima na.

LUK 4:41

Chun, khuri tla khawm, “Pathian Fapa na si,” ti hen, an âu le, mi tam tak paw sungah mi an hawng suak. Chun, anmah tla a fâi le, Mesia asi ti an theih le, an hawlh a siang lo.