MARK 1:21 - Bawm Common Language Bible Version

²¹ Chun, Kapernaum khua ah a va lût le; chun Dinhni ah chun pumhnâk in ah a va lût le, a sîntir sawm na.

MARK 1:21 ပူးပေါင်းရင်းမြစ်များ

MATHAI 4:13

chun, Nazaret a kaltâk le, Kapernaum ah a va um le, chu chu Zebulun leh Naphtali bial ah rilî kap ah um mi asi.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MARK 1:20

Chun, anih nih chun anmah chu a kawh sawm na le; chun an pa Zebedai chu lawh an lâk mi tla hen lawng ah an kaltâk na le, an zûl rawh.

MARK 1:29

Chun, pumhnâk in ah mi chu a suak rawh chun, Jem leh Johan hen Simon leh Andri in ah chun an lût sawm.

MARK 1:33

Khuatê hen kawtkari ah chun an hawng a pûm khup.

MARK 1:39

Chun, thusim leh khuri tla nar vima hen Galili ram zawzawngah pumhnâk in tla ah a lût vima.

MARK 10:1

Chun, Jisu chu a thawk le, chu thawk hen chun Judai ram ah leh Jordan râl ah a kal le; chun, mi zapi tla chu a sinah an hawng a pûm nawlh le; chun, a ti dân kumza hâwi hen a sîntir nawlh na.

MARK 2:1

Chun, ni zeimaw zat ding nûnah, Kapernaum ah a lût nawlh liauah, in ah chun a um ti thu a hawng thang rawh.

MARK 3:1

Chun, Jisu chu pumhnâk in ah chun a lût nawlh le, chunah chun minung pakhat kutkhêng a um.

MARK 6:2

Chun, Dinhni a hawng si le, pumhnâk in ah a sîntir na le, chun, mi cherkhet a thu theihtu tla nih chun,“Hi minung nih hi bang thu hi kha zei mi me a theih le? Hi minung sinah finghnâk pêk asi mi hi zei finghnâk me si le? A kut hen hi tluk rak thilchê a ti mi hi zei zia mesi?

LUK 10:15

Chun, nang Kapernaum, vân tawngh khet hen chawnglawmh hen na um lai mazei? Mi thi khua tiang hen niamh na si lai.

LUK 13:10

Chun, Dinhni ah Jisu nih chun pumhnâk in pakhat ah a sîntir na.

LUK 4:16

Chun, a ṭhangliannâk Nazaret chu a va tlung le; chun Dinhni ah a ti dân kumza hâwi hen pumhnâk in ah a lût le, rêl ding hen a dîr.

LUK 4:23

Chun, anih nih chun an sinah, “Nannih nih hi tahṭhimh thu hi ‘Daktawr, nangmah a damh rawh,’ Kapernaum ah na thilti kan theih mi zawzawng kha hinah nangmah khua leiah khawm hin ti bâk,’ ti hen, nan ka ti ngelchel awt hi,” a ti.

THILTI 17:2

Chun, Pawl nih a ti dân hâwi nget hen pumhnâk in ah a lût. Dinhni veithum kar Pathian lasui thu chu ruatpi na hen,

THILTI 18:4

Chun, Dinhni kip ah pumhnâk inah thuruatnâk nei hen thu a sim tâwn, Juda leh Greek chu tla chu lêm a tum tâwn.