MARK 1:20 - Bawm Common Language Bible Version

²⁰ Chun, anih nih chun anmah chu a kawh sawm na le; chun an pa Zebedai chu lawh an lâk mi tla hen lawng ah an kaltâk na le, an zûl rawh.

MARK 1:20 ပူးပေါင်းရင်းမြစ်များ

1 Lal 19:20

Elisa nih a chawchal a mâk thlap le, Elija rangah a ṭhâwl, “Ka nu leh ka pa rangah hawng ka châwchawktir tâ rih, chibai ka buk tâ na lai le, chu tikah na sinah ka hawng lai,” a ti. Elija nih a sâng le, “Si ta a, kîr ko, ka nan thloh loh!” a ti.

MATHAI 10:37

“Âuzawng a nu mawh a pa mawh keimah ngâk hen dâwt dauhtu chu ka mi si tlâk asi lo. Âuzawng a fanu mawh a fapa mawh keimah ngâk hen dâwt dauhtu khawm chu ka mi si tlâk asi lo.

MARK 1:19

Chun, lât lo tê a kal rawh chun Zebedai fapa Jem leh a unau Johan chu a muh na le, chu tla chu lên ṭhît hen lawng ah ber an um.

MARK 1:21

Chun, Kapernaum khua ah a va lût le; chun Dinhni ah chun pumhnâk in ah a va lût le, a sîntir sawm na.

MARK 10:29

Jisu nih chun, “Thungâi tak hen ka nan simh na, âuzawng keimah ruangah leh Thâwngthâng Ṭha ruangah in mawh, unaupa mawh, farnu mawh, nu mawh, pa mawh, fa tla mawh, ram tla mawh kaltâk rawh mi nih chun,

LUK 14:26

“Âuzawng ka sinah hawng kaltu nih chun a pa le, a nu le, a nupi le, a fa le, a unau le, a farnu le, amah nungnâk khawm a hua lo chun ka ṭhiruai asi kho lai lo.

LUK 5:11

Chun, an lawng tla chu vakap ah an kalpi le, zeizawng kaltâk hen amah chu an zûl rawh.

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.

DEUTERONOMY 33:9

Nu leh pa tla, unau tla, fa tla sin ngâk hen na sinah zumhkâi dauhnâk an langhtir. Na thupêk tla chu an zûl hen, Na thudântuk lakah zumh an kâi.