MALAKI 4:2 - Bawm Common Language Bible Version

² Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MALAKI 4:2 ပူးပေါင်းရင်းမြစ်များ

2 SAMUEL 23:4

Vândâwm lo hen khuadei lakah nî a chêu mi hâwi asi. Ruah nûnah nî nih belh tla a tlektir mi hâwi asi,” ti hen.

SAM 103:3

Ka sual zawzawng a ka ngaihdam hen ka nganfâk zawzawng a damh.

SAM 147:3

Thinlung fâk tla chu a damh na hen, an mâ tla a tuam piak na.

SAM 61:5

Pathian, ka thutiam tla chu na theih le; nangmah a nan zahtu tla tâ chu na ka pêk.

SAM 67:1

Pathian, kan lakah khuaruat le, mal hawng kan sâwm le; kan lakah vêl nei hen hawng kan zauh.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 85:9

Amah zahtu tla chu hum ding hen â tîm kumza, kan ram ah hin ruangsuah ding hen hawng kan umpi kumza lai.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 30:26

Thlâ chu nî hâwi hen a hawng chêu lai le, nî chu ni dangah mi a chêu lehsarih hen a chêu lai le, ni sarih chêu kha ni khat ah fawnh hep mi tluk asi lai. Hi bang zawzawng tla hi LALPA nih a mi tla liam mâ damh hen a tuam ni ah a hawng tlung lai.

ISAI 35:6

Kekhêng chu a lawk hen a lâm lai le, mi hawlh kho lo chu lâwm ruangah a âu lai. Ramkaro ah tiva tla an luang lai le,

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

JEREMIA 17:14

LALPA, hawng ka damh le, tliang ver hen ka dam lai; hawng ka hum le, him tak hen ka um lai. Ka nan sawr mi chu nang na si!

JEREMIA 30:17

Nan mêlma tla nih ‘Zion chu lawnh asi rawh; âukhawm zauhkhenhtu an um lo rawh,’ ti menza na khawmsele; kan damh nawlh na lai le; nan liam mâ tla ka damh lai. Kei, LALPA nih ka sim asi,” a ti.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

EZEKIEL 47:12

Tiva kapah mi thing chi kip tla chu ei ding pêktu ding hen an ṭhang lai. An nah tla zeiliau khawm a uai lai lo le, rah an suah kumza lai. Biakin thawk hen tiva a luang mi nih a châwm mi asi ruangah thla kip hen an rah lai. Chu thing tla nih ei ding an suah lai le, an nah tla chu mi tla damhnâk ding ah mang asi lai,” a ti.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

MALAKI 3:16

Churawhchun, LALPA ṭihtu tla chu thu anna ruah le, LALPA nih an thusim chu a ngâi le, a theih rawh. Amah ṭihtu leh zahtu tla thilti rînnâk chu LALPA mâika ah lasuibu lakah rîn hen a um.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:4

Amah lakah chun nungnâk a um; chu nungnâk chu minung tla chêunâk asi.

JOHAN 1:8

Anih chu chêu chu asi lo, chêu thu chu theihtir ding hen hawng kal asi dauh.

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

JOHAN 9:4

Sûn asi liauah hawng ka fialtu rian ka ṭuan ding asi; zân asi awt rawh hi, chu tikah chun âukhawm nih rian an ṭuan kho lai loh.

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

THILTI 13:47

Chu hâwi hen chun Lalpa nih thu hawng kan pêk asi: ‘Phundang tla chêutirtu ah ka nan ruat kâwlkil tiang hen Ruangsuahtu ah na um khonâk ding hen,’ ti rîn hâwi khan,’ an ti.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

1 JOHAN 2:8

Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 2:28

Chun, deirêl ârfi chu anmah tla ka pêk na lai.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:2

Chun, nungnâk thing, tiva kap khatlei vevê ah zât leinih hen thla kip a rah mi a um le, chu thingnah tla chu phun kip damhnâk ding asi.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.