MALAKI 3:6 - Bawm Common Language Bible Version

⁶ “Kei, dang kho lo mi LALPA kasi. Churuangah nannih Jakob thlâk tla nan vei dep rîlmâl lai lo.

MALAKI 3:6 ပူးပေါင်းရင်းမြစ်များ

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

GENESIS 15:7

Churawhchun, LALPA nih a sinah, “Kei LALPA, Babulon ram ah mi Kaldai tla umnâk Ur khua thawk hen hi ram hi nangmah tâ ah a nan pêk ding hen a nan suakpitu chu kasi,” a ti.

GENESIS 22:16

“Keimah min sâl hen thu ka tiam, LALPA nih thu a sim bâwngmal tam tak ka nan sâwm lai. Na fapa neihlem mi ûi lo hen ka sinah hi hâwi thil na ti ruangah,

SAM 102:26

An vei lai le, nang lam chu na um lai; puan hâwi hen an nawh ver lai le, na nawng lai le, an vei lai.

SAM 102:27

Nang lam chu na mun kumza le, na san khawm dawng kho mi asi lo.

SAM 102:28

Kan fa tla chu himnâk ah an um lai le, nangmah zauhkhenhnâk tangah an thlâk tla chu an um lai.

SAM 103:17

Sikhawmsele, amah zahtu tla rangah LALPA dâwtnâk chu zungzâl tiang asi, a ṭhatnâk chu thlâk tla zawzawng tiang hen a um.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

ISAI 41:13

Kei, LALPA nan Pathian chu kasi; kan chaktir na le, ṭih lah u! Ka nan ṭangpi na lai, ka nan ti na a ti.”

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 46:4

Kei, na Pathian kasi, na tar hen na sam pâr tiang ka nan zauhkhenh lai. Ka nan siam mi na si, ka nan zâuhkhenh lai; Ka nan ṭangpi lai le, ruang ka nan suah lai.

JEREMIA 32:27

“Kei chu LALPA, mi zawzawng Pathian kasi. Ka rangah zeikhawm a har tuk mi a um lo.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

HOSEA 11:9

Ka thinthawknâk hen kan rêp na lai lo; Israel chu ka veih lai lo rawh. Minung silo hen Pathian kasi dangâiah. Kei, mi thenhlimh chu nan sinah ka um. Thinrun bû hen nan sinah ka hawng lai lo.

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

ROM 5:10

Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 22:13

Kei Alpha leh Omega, a masa chem leh a madung chem, a bul leh a dawng kasi,’’ a ti.

1 SAMUEL 15:29

Israel lakah thuneitu Pathian chu a âwkrâwl awtlo le, a thu khawm a lêt lai lo. Minung asi lo ruangah a thinlung a lêt ding asi lo,” a ti.