MALAKI 3:5 - Bawm Common Language Bible Version

⁵ LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MALAKI 3:5 ပူးပေါင်းရင်းမြစ်များ

GENESIS 20:11

Abraham nih a sâng le, “Pathian ṭihtu ding hinah hin âukhawm um hen ka ruat lo, ka nupi duh tukah an ka thah lebang lai ka ti ruangah.

GENESIS 42:18

A ni thum ni ah Josef nih an sinah, “Kei chu Pathian ṭihtu kasi le, nan nungnâk hi a san kâng khat hen ka zuah lai.

NEHEMIAH 5:15

Keimah lânah lâirêltu zawzawng tla chu mipi tla rangah thilrit tak an si le, ni khat eibâr leh uain rangah tangka sâwmli an hauh. An to-aw men nih zapi minung an nehsawh na. ‘Kei chu Pathian ka ṭih ruangah dang tak hen thil ka ti.

JOB LASUIBU 31:12

Siat leh râwknâk rêpmun mei nih ka neih zawzawng veih hep seh.

JOB LASUIBU 7:2

Sal nih dâidul a ngâi mi hâwi asi, rianṭuantu nih a lawh a ngâk mi hâwi asi.

SAM 36:1

Sualnâk nih chun misual thinlung thûk takah thu a sim le, Pathian a nawng le, a zahnâk a nei lo.

SAM 81:8

Ka mi tla ka nan simhkanh na mi hi ngâi u; Israel tla ka thu ngâi ding hen kan duh na zia hi!

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

EXODUS 1:17

Sikhawmsele faring zauhkhenhtu tla nih Pathian an ṭih ruangah lalchem thupêk zia ti lo hen mipa an zuah na.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 20:7

“Thilsual tinâk ah ka min mang lah u. Kei, LALPA nan Pathian nih ka min diklo tak hen mangtu chu ka rep awt.

EXODUS 22:20

“Âuzawng, Kei, LALPA lakah silo hen pathian dang sinah bâwlnâk aptu chu thi ding hen mawhtir an si lai.

THUFING LASUIBU 16:6

Zumh tlâk leh rinh tlâk hen um le, Pathian nih na sual a ngaihdam lai. LALPA thu ngâi le, na lakah thilsual zeikhawm a tlung lai lo.

THUFING LASUIBU 8:13

LALPA zah ding hen chun sual hua ding asi; mi â zûm mi leh a sung-û tir mi chu ka hua, sual leikâng leh âwkrâwl thu khawm ka hua.

ISAI 57:3

Nannih misual tla, nan lâirêl ding hen hinah hawng u! Dâwithiam, ṭangdang pawmtu tla, nunau â zuar mi ngâk hen nan ṭha dauh lêm lo.

JEREMIA 23:10

Ram chu LALPA lakah mi zumhkâilo tla hen a khat; sual tak hen an um le, an thiltikhonâk khawm an mang diklo. LALPA siatbarhnâk ruangah ram nih a tuar le, ram ningno tla khawm a châr hep.

JEREMIA 27:10

Nan ram thawk hen ram lât takah kalpi ving nan siding hen an perpet na mi asi. Ka nan suah ving na lai le, nan vei dep lai.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 29:23

LALPA min hen âwkrâwl thu an sim le, LALPA min hen sual ṭihnungkâi ti hen ṭângdang an pawmtâk ruangah, hi hi an thihnâk ding chu asi. Hi hi LALPA duh lo kâng asi; thil an ti mi a theih na hen anmah lakah anih chu theihtu asi. LALPA nih a sim,” a ti.

JEREMIA 42:5

Churawhchun, annih nih ka sinah, “LALPA kan Pathian nih kan rangah thu hawng kan pêk mi zawzawng kan zûl lo chun kan lakah LALPA chu theihpitu dik tak zumhkâi si seh.

JEREMIA 5:2

LALPA sawnh ding hen sim khawm le, na sim mi chu na tum lêm lo.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

LEVITICUS 19:13

“Âu tâ khawm lâk hen a dingchang ding tum lah. Zân khat kar lak ko khawm ah lawh pêk ding na lâk mi chu pêk lo hen um lah.

LEVITICUS 20:10

Mi âuzawng mah Israel mi tla nupi hen ṭângdang pawmtu chu an panih hen thah ding asi.

LEVITICUS 20:27

“Mipa mawh nunau mawh mithi thlarau a sawnh chun lung hen thi thlo seh ding asi; zei minung zawng chu hâwi titu chu mah thihnâk chu amah mawh asi,” a ti.

LEVITICUS 20:6

“Âuzawng mithi thlarau sawnhtu sinah thu deihtu chu ka do lai le, ka minung asi kho lai lo.

MIKAH 1:2

Nannih phun zawzawng tla, hi hi theih u, tual tlûnah um mi zawzawng tla, hi hi ngâi u! LALPA Zahkâi nih a nan sâwi awt, a vân Biakin thawk hen thu a sim mi chu ngâi u!

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

ZEKARIA 11:12

An sinah, “Nan duh chun ka rianṭuantu lawh man hawng ka pêk u, asi lo chun kil ko u, churawhchun ka rianṭuan man ding ah tangka sâwmthum an hawng ka pêk.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MALAKI 2:14

Zei rangah me a pawm lo nan ti, nan no liauah nanna umhnâk lakah thutiam nan buar mi a theih ruangah asi. Na nupi chu thutiam nan neipi mi asi le, Pathian mâika ah zumhkâi tak a um ding hen thu nan tiam mi chu nan buar.

MALAKI 2:17

Na thusim hen LALPA rangah nengtawr a kâi. Nangnih, “Zeitin nengtawr ka kâitir?” na ti. “LALPA, Zeizawng tikho nih thilsual titu tla chu ṭha hen a ruat na, churuang chun a lawmh na,” na ti mi lakah. Asi lo leh, “Pathian rep chu zeiah a um?” na ti mi lakah.

LUK 23:40

Sikhawmsele, pakhat nih chun fâi pah hen a sâng le, “Pathian men na ṭih lo ma? Bang cho hen hawng kan rêp hi.

ROM 3:8

Takhan chun, zeirang me, “Thil ṭha a hawng tlung khonâk ding hen thilsual kan ti lai,” ti hen kan sim dauh lo? Mi zeimaw mi nih an ka phiar le, simlopi an ka simtir. Chu hâwi mi le tla chu an mawh hâwi hen Pathian nih a rêp lai

DEUTERONOMY 15:13

Nan suah na liauah kut karo hen suah lah na u.

DEUTERONOMY 18:10

Nan mâichâm tlûnah mi mei lakah nan fa tla bâwlnâk ah mang lah ule; nan mi tla chu simkan khotu mawh, tuakthiam mawh, simkhotu mawh,

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 27:19

“ ‘An diknâk lakah ramdang minung, numei, ngâkṭah tla thlawrhthlâu chu Pathian siat an tlûnah um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 5:11

“ ‘Sual leikâng rang ding ah ka min mang lah u, Kei, LALPA nan Pathian âuzawng ka min diklo tak hen mangtu tla rêptu kasi.

1 THESALONIKA 4:6

chu leikângah chun âukhawm nih buar hen a unau lakah thil ṭhalo ti lah seh; Lalpa chu chu hâwi thil titu zawzawng lehrûl samtu asi ruangah kannih khawm nih kan simkan hen ka nan theihtir na rawh hâwi khan.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

JEM 5:12

Sikhawmsele, ka unau tla, thil zeizawng ah thu nanna tiam liauah siat tham lah u. Tual leh vân min sim hen mawh, thil dang min rerêng sim hen khawm siat tham lah u. Asi mi chu si ko seh, asi lo mi chu si lo ko seh, chu lo chun Pathian lâirêl hen nan um lai.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.