MALAKI 3:3 - Bawm Common Language Bible Version

³ Mi nih tangka a êr le, a thenhlimhtir mi hâwi hen lâirêl ding hen a hawng lai. LALPA sinah bâwlnâk dik tak an pêk khonâk ding hen LALPA mifial nih chun thîr siamtu nih tangka leh ngûn a êr mi hâwi hen bâwlpu tla chu a thiangtir na lai.

MALAKI 3:3 ပူးပေါင်းရင်းမြစ်များ

SAM 116:17

Lâwmthusim bâwlnâk ka nan pêk lai le, na sinah thla ka hawng cham lai.

SAM 4:5

LALPA sinah bâwlnâk dik tak pêk le, amah chu zumh rawh.

SAM 4:6

“LALPA, malsâwmnâk tam tak hawng kan pêk. Vêlneihnâk hen hawng kan zauhkhenh!” ti hen deihtu chu tam tak an si.

SAM 50:14

Na lâwmthusimnâk chu Pathian sinah na bâwlnâk si sele, Zeizawng Tikho sinah thilpêk na tiamh mi chu pêk rawh.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

SAM 51:19

Churawhchun, bâwlnâk dik tak lakah na lâwm lai le, duahphung bâwlnâk leh chawchal tla na mâichâm ah bâwlnâk tla lak khawm ah.

SAM 66:10

Pathian, nik ding hen na kan siah le; mei hen tangkasa an êr mi hâwi hen na kan nik.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

THUFING LASUIBU 25:4

Tangkasa chu a nâwmnâk lawnh le, thilsiamtu nih thil dawh a suah kho.

ISAI 1:25

Na lakah thil ka ti awt. Thîr an tliangtir mi hâwi hen ka nan thiangtir lai le, na nawmhnâk zawzawng chu ka lawnh phin lai.

ISAI 48:10

Tangkasa mei lakah an êr mi hâwi hen mei lakah tuarnâk hen kan nik na. Sikhawmsele zeikhawm nan si lo zia ka nan theih na.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 20:38

Nan lakah mi hel mang leh misual zawzawng chu ka lâk peng na awt. Tuah an umnâk ram ah mi ka lâk na lai le, sikhawmsele Israel ram leiah lam chun ka kîrtir na awtlo. Chu tikah kei, LALPA kasi ti nan theih lai,” a ti.

DANIAL 11:35

Ruitu fing zeimaw mi thah hen an um lai le, sikhawmsele chu zârah mi tla rang chun thiangnâk lam asi lai. Pathian nih hun a ruat mi a dawng lânlo chu, chu chu a um vima lai.

DANIAL 12:10

Mi tam tak anna thianh lai. Misual tla nih an theihthiam lai lo le, sual leiah an kal vima lai; a fing mi tla cho nih an theihthiam lai.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

NUMBER 8:6

“Levi tla chu Israel lakah mi

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.

2 TIMOTHE 4:6

Kei lam chu tu khawm ah ap hen ka um liau asi le, ka suak tik a tlung rawh.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 12:10

Taksa leiah kan pa tla nih sâwtlotê ṭha an ti hâwi vima hen nun hawng kan simh le, Pathian lam nih chun a thenhlimhnâk chu kanna ting kho bâk ding hen kan ṭhatnâk ding hen nun hawng kan simh dauh asi.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.