MALAKI 3:2 - Bawm Common Language Bible Version

² Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

MALAKI 3:2 ပူးပေါင်းရင်းမြစ်များ

GENESIS 19:28

Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.

JOB LASUIBU 28:1

Tangka chawhnâk khur a um le; ngûn êrnâk khawm a um.

SAM 130:3

Kan sualnâk tla na singsiah thlir chun, mawh hen kan um mi zeitin suak kho asi lai?

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

SAM 76:7

Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

THUFING LASUIBU 25:4

Tangkasa chu a nâwmnâk lawnh le, thilsiamtu nih thil dawh a suah kho.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

JEREMIA 2:22

Sabung a chak chem mi hen a ṭâwl khawm le, na sualnâk a kawp mi chu ka muh awt nget rih.

EZEKIEL 22:14

Na lakah thilti ka lîm tikah na kut lek ding hen chaknâk leh râlṭhatnâk nei ding hen ma na ruat? Kei LALPA nih thu ka sim le, ka thu chu ka zulh.

DANIAL 11:35

Ruitu fing zeimaw mi thah hen an um lai le, sikhawmsele chu zârah mi tla rang chun thiangnâk lam asi lai. Pathian nih hun a ruat mi a dawng lânlo chu, chu chu a um vima lai.

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 25:10

Chun, châwk ding hen an kal kar chun mo dâwngpu chu a hawng tlung rawh. Chun, a râlring mi tla chu amah hen lâwinâk puai ah an lût le, chun, in chu an khâr rawh.

MARK 9:3

Chun, a nipuan tla chu tual ah puan suktu nih an suk vâr kho lo rê tiang a vâr tîk hen a lek zur rawh.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

LUK 21:36

A ringrâwn u, Minung Fapa mâika ah nan dîr khonâk ding hen leh thil hawng tlung ding mi tla zawzawngah him ding leh chaknâk nan nei khonâk ding hen thlacham u,” a ti.

LUK 3:17

A kut hen a ṭawlâwn a put lai le, a chîlnâk mun thiang rel a zâp lai, a pang ah fâng a râwn lai; a hî lam chu mei mit kho lo hen a duah phin lai,” a ti.

LUK 3:9

Tu khawm ah reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn,” a ti.

LUK 7:23

Chun, âuzawng ka tlûnah lungsilonâk muh lotu chu an thaw a suak,” a ti le, a sâng.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

THUPHUANG 19:8

Puan mangṭhia chu mi thenhlimh tla thilti rep asi ruangah, puan mangṭhia thiang tak, a lek mi chu aihtir ding hen pêk asi.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 6:17

an thinthawknak ni rokual tak asi rawh hi, âunih me do hen tuar kho lai?” an ti.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

1 SAMUEL 6:20

Churawhchun, Beth Semes mi tla nih chun, “LALPA, Pathian thenhlimh mâika ah âu a dîr kho lai? Kan lakah mi ṭhial ding hen zei leiah kan kaltir lai rawh,” an ti.