MALAKI 3:10 - Bawm Common Language Bible Version

¹⁰ Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.

MALAKI 3:10 ပူးပေါင်းရင်းမြစ်များ

GENESIS 28:22

Hi theihkumzanâk lung ka phun mi hi nangmah sawnhnâk mun ding a hawng si lai le, na ka pêk mi thil zawzawng lakah mi parâ lû pakhat ka nan pêk lai,” ti hen.

GENESIS 7:11

Noa chu kum zaruk a tling kum ah a thla nihnâk ni leisarih ni ah tual tangah mi tî zawzawng chu a hawng lang le, vân ah mi kawtkâ zawzawng chu â awng le,

2 Lal 7:19

chu lal zûltupa nih, “Chu hâwi hen a um kho lai loh, LALPA amah ngelchel nih fâng veikhat tal a sûrtir lo chun,” a ti mi kha. Elisa nih a leh le, “Thil a hawng tlung mi chu na muh lai le, sang lam chu na ei lai loh,” a ti mi hâwitê hen a sinah a hawng tlung.

2 Lal 7:2

Lalchem zûlvêltu nih Elisa sinah, “Chu hâwi hen a um kho lai loh, LALPA amah tak nih mawhsareh hen fâng a hawng sûrtir lo chun,” a ti. Chun, Elisa nih, “Thil a hawng tlung mi chu na muh lai le, ei lam chu na ei lai loh,” a ti.

1 CHRONICLES 26:20

An unau Levi dang tla chu Biakin ah tangka kilnâk hotu leh Pathian rangah thilpêk mi kilnâk hotu ah ruat an si.

NEHEMIAH 12:44

Chu liau chun Biakin rang ding ah khawlh mi parâ lû ah pakhat fâng thar leh thingthei rah min kum siar khawlh mi tla siahnâk mun hotu rang ding ah mi tla ruat an si. Chubang minung tla chu khuapi kiangah phâisen lakah mi bâwlpu leh Levi tla rangah Dân nih a herh a ti mi hâwi hen khawlhtu rang ding ah pêk an si. Juda mi zawzawng chu thenhlimhnâk leh Pathian nih thu a pêk mi hâwi hen an timhtuah ruangah,

NEHEMIAH 12:47

Zerubabel leh Nehemiah san liau khawm ah Biakin ah tumphung tumtu leh Biakin vêngtu tla rangah châwmnâk ding hen Israel mi zawzawng tla nih nisiar thilpêk tla an pêk. Zapi minung tla nih thilpêk thenhlimh Levi tla rangah an pêk na le, Levi tla nih bâwlpu rangah thil herh an pêk na.

NEHEMIAH 13:5

Kardang kâu tak thil ap tla siahnâk mun fâng leh rimthâw, Biakin ah mang mi thuamthil, bâwlpu rang ding ah ap mi parâ lû ah pakhat pêk mi fâng, uain leh oliv sariak, Levi tla, Biakin ah tumphung tumtu tla, Biakin vêngtu tla rangah pêk mi siahnâk mun chu Tobiah nih mang ding hen a pêk.

SAM 37:3

LALPA lakah a ngauh le, thil ṭha ti rawh; ram ah chun um le, him rawh.

SAM 78:23

Chung vân leiah thu a sim le, a khâr tla awng ding hen thu a pêk.

THUSIMTU 11:3

Thing chu zei leikâng tal ah tlû khawmsele a pawi lo, a tlûknâk mun nget ah a um lai. Vândâwm chu a khat tâwk rawh chun ruah a sûr.

EZEKIEL 34:26

“Mal ka sâwm na lai le, ka tlâng thenhlimh kiangkam ah ka umtir na lai. Chunah chun fâng chî tuhtu nih an herh liauah malsâwmnâk ruah ka sûrtir lai.

EZEKIEL 44:30

Bâwlpu tla nih, rah masa chem lakah a ṭha chem mi zei thil tal keimah rangah an ap mi chu anna ting ding asi. Mi tla nih sang an em kip ah sang tlang masa chem chu bâwlpu tla an pêk lai le, an in sungah ka malsâwmnak a um lai.

HOSEA 2:21

Chu tikah ka mi Israel tla thlachamnâk chu ka sâng lai rawh.” Tual tlûnah ruah ka sûrtir lai le, tual nih fâng tla, grep tla leh oliv a suah lai.

JOEL 2:19

LALPA nih, “Tuah buh, uain, leh oliv sariak ka nan pêk na lai rawh le nan khim lai rawh, phundang tla nih an zauhnawmh na lai lo rawh.

JOEL 2:24

Fâng chîlnâk mun khawm fâng hen a khat lai le, sûrnâk khur kiang tla khawm uain hâng leh oliv sariak khat hen a liam lai.

LEVITICUS 26:10

Nan fâng thungâi a tling lai le, a ât kum khat nanna tâwk lai, falun siahnâk a tlum lai lo, fa thar nih a siahnâk ding a luah hep lai.

LEVITICUS 26:3

“Ka dân thu hâwi hen nan um hen ka thupêk nan zûl chun,

LEVITICUS 27:30

Ram sungah a hawng suak mi parâ lû ah pakhat chu fâng khawm, theirah khawm LALPA tâ asi.

HAGAI LASUIBU 2:19

Fâng tla, grep zûn tla, theipi kung tla, pomegranate tla leh oliv thing tla umlo rawh khawmsele, tu thawk hen mal kan sâwm na lai rawh,” a ti.

NUMBER 18:21

LALPA nih, “Israel mi tla nih parâ lû ah pakhat an ka pêk mi vial chu Levi tla rangah ka pêk na. Hi hi ka umnâk Puanin zauhkhenhnâk rian an ṭuan mi man ah pêk mi chu asi.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

DEUTERONOMY 12:6

Chunah chun bâwlnâk tla nan pêk lai le, duah ding mi leh thil dang bâwlnâk tla, parâ lû ah pakhat leh nan thilpêk tla, LALPA sinah thilpêk nan tiamh mi tla, nanmah duh thu hen thil nan ap mi leh nan ranrual leh nan dawrâ lakah a ring tîr mi fa tla nan ap ding asi.

DEUTERONOMY 14:22

“Nan phaisen ah a suak mi kum siar hen parâ lû pakhat vauh u.

DEUTERONOMY 14:29

Hi bang ei ding tla hi Levi murui rangah asi, thil zeikhawm an tâ a umlo ruangah, ramdang mi, mi ngâkṭah, numei tla nan khua ah um mi tla rang khawm asi. An hawng lai le, an herh zia zawng hen anna ting bâk ding asi. Hi hâwi hen ti ule, LALPA nan Pathian nih mal an sâwm na lai.

DEUTERONOMY 28:12

Vân ah a neih-le-siah kilnâk thawk hen ruah a tik takah a hawng sûrtir lai le, nan rianṭuan zawzawng mal a nan sâwm na lai, churawhchun phun tam tak tla rangah nan pûktir na lai le, sikhawmsele nannih tla lam chu âu sin khawm ah nan pûk lai lo.