MALAKI 2:7 - Bawm Common Language Bible Version

⁷ Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

MALAKI 2:7 ပူးပေါင်းရင်းမြစ်များ

2 Lal 16:11

Chu hâwitê hen Uriah nih mâichâm a siam le, Ahaz a hawng tlung lânah a dih thlo.

2 Lal 16:16

Dâr mâichâm lam chu ka rangah chamchawhnâk ah siah ziar,” a ti. Uriah nih lalchem sim hâwi hen a ti rawh.

2 CHRONICLES 30:22

Hezekiah nih LALPA sawnhnâk an timhtuah mi ruangah Levi tla chu thungâi a sawr na. An thlâktu LALPA an Pathian sinah bâwlnâk tla ni sarih kar an ap nûn chun,

2 CHRONICLES 31:4

Chu lo khawm ah lal nih Jerusalem ah mi tla chu bâwlpu leh Levi ruat an si mi tla sinah thil ap tla hawng put ding hen a simh na. LALPA Dân ah a herh zia hâwi hen an hun tla chu an mang khonâk ding hen.

Ezra lasuibu 7:10

Ezra chu LALPA Dân sîn leikângah â pêk mi minung asi le, dân zawzawng pêk ding hen Israel mi tla a sîntir na.

Ezra lasuibu 7:25

Nang, Ezra, Pathian nih finghnâk a nan pêk mi mangtu, Eufretis thlanglei ah um mi tla, na Pathian Dân zûltu tla zawzawng tlûnah zauhkhenhtu ah leh lâirêltu ah ka nan ruat asi, Dân theihlo tla na sîntir na ding asi.

THUFING LASUIBU 5:2

Churawhchun, umdân ding tluang tak na theih lai le, na thu thawk hen theihnâk na nei ti a lang lai.

THUSIMTU 5:5

Zulhlo pet hen thu tiam ngâk hen chun, thu tiamlo dâidua a ṭha.

ISAI 42:19

Ka to-aw ngâk hen mitchâw khun mi leh ka mifial ngâk hen a nâsêt dauh mi an um maw aw?

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

JEREMIA 15:19

Hi thu lakah LALPA nih a leh le, “Na hawng kîr mi asi chun, ka nan lâk nawlh lai le, ka to-aw na si nawlh lai. Thu âtkâi sim ngâk hen thuchah mang tlâk na phuang chun, ka khuavâng na si nawlh lai. Mi tla chu na sinah an hawng kîr nawlh lai le, an sinah nang va kal a herh lai lo.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

EZEKIEL 22:26

Bâwlpu tla khawm nih ka dân an buar le, thil thenhlimh tla zahnâk an nei lo. A thenhlimh mi leh a thenhlimhlo mi thliarnâk zeikhawm an nei lo. Thil thenhlimh leh a thenhlimhlo mi thu ah an sîntir lo, Dinhni khawm an sunhsak lo. Churuangah Israel mi tla nih an hawng ka zah lo.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.

DANIAL 11:33

Mifing ruitu tla nih midang tam tak tla rangah an finghnâk an ṭhenh na bâk lai. Sikhawmsele, sâwtlotê kar chu a zeimaw mi chu râltuknâk ah an thah lai le, a zeimaw mi mei hen thi thlo an duah lai le, a zeimaw mi rêngin ah an thlâk na lai.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

LEVITICUS 10:11

Mosi mang hen dân kan pêk na mi zawzawng tla kha Israel mi tla rangah nan sîntir na ding asi,” a ti.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.

HAGAI LASUIBU 1:13

Churawhchun, Hagai nih LALPA thuchah chu mi zapi tla a simh na, “Nan sinah ka um lai ti hi ka thutiam asi,” a ti.

ZEKARIA 7:3

“Biakin a râwk mi thu ruangah kum sâwt tak a thla nganâk thawk hen tusûn ni tiang lungfâk tak hen buh kan ngei mi hi ti vima ding ma asi awt?” an ti.

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

NUMBER 27:21

Bâwlpu Eleazar, Urim leh Thummim mang hen ka duhzia hen umtu lakah a ngauh ding asi. Hi hâwi hen bâwlpu Eleazar nih Josua leh Israel mi tla zawzawng chu an rianṭuan ding thu ah an rui na ding asi,” a ti.

JOHAN 13:20

Thungâi tak hen ka nan simh na, âuzawng ka fial mi vial lawmhtu chu, keimah a ka lawmh asi; âuzawng kei lawmhtu chu, hawng ka fialtu lawmh asi,” a ti.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

THILTI 16:17

Chu minung nih chun Pawl leh kanmah a hawng kan zûl le, “Hi bang minung ruangsuahnâk lampi simtu tla hi Chungnungchem Pathian to-aw an si,” ti hen a âu.

2 KORIN 5:20

Chun, Krist ruangrûl ah rêl kan si le, Pathian nih kanmah mang hen a nan ngiar chiam na ti kho asi. “Pathian hen hawng a rem u,” ti hen Krist ruangrûl ah ka nan ngiar na asi.

GALATIA 4:14

Chun, ka taksa nan rangah lêmnâk um mi chu nan zauhnawmh lo le, nan fih ber lo; Pathian vânmifial hâwi hen Krist Jisu hâwitê hen nan ka kawmh dauh kha.

DEUTERONOMY 21:5

Levi bâwlpu tla khawm chunah chun an va kal bâk lai le, anmah nih thunawk tla chu dân hâwi hen thlûktu ding an si ruangah. LALPA nan Pathian nih amah rianṭuantu leh a min hen malsâwmnâk simtu a thîm na mi an si ruangah.

DEUTERONOMY 24:8

“Vun râi nan nei chun, Levi bâwlpu nih an sim ziatê hen ti ding mi kha theih ule; sîntirnâk ka pêk na mi kha zûl u.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

1 SAMUEL 2:17

Hi Eli fapa tla sualnâk hi LALPA mitmuh ah a ti tuktarâi rawh. LALPA sinah thil ap tla chu an zah lo tuktarâi ruangah.