MALAKI 2:6 - Bawm Common Language Bible Version

⁶ Diklonâk silo hen diknâk anna sîntir. Ka sinah um nuam an ti le, diknâk lâwng an ti le, midang rang khawm sual tilo ding hen mi tam tak an ṭangpi na.

MALAKI 2:6 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 6:9

Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

SAM 119:142

Na repnâk chu san dawnglo asi, na dân thu chu a dik kumza.

SAM 119:151

Sikhawmsele, LALPA, ka kiangah nang chu na um le, na thupêk tla zawzawng chu a bir.

SAM 37:30

Mi ṭha thu chu a fing hen a ṭha kumza.

SAM 37:37

Mi ṭha chu zauh le, mirep chu singsiah rawh; Remnâk duhtu nih thlâk a nei,

THUFING LASUIBU 5:2

Churawhchun, umdân ding tluang tak na theih lai le, na thu thawk hen theihnâk na nei ti a lang lai.

JEREMIA 23:22

Ka dawn mi thil thup theih na mi sele chu ka thuchah zapi sinah an phuang lai le, an thilsual ti tla lêt hen an umdân diklo tla an bângtâk lai.

DANIAL 12:3

Ruitu fing chu vân a mi chêunâk zawzawng hen an chêu lai le, mi tam tak thil ti ding hen sîntirtu chu ârfi hâwi hen an chêu kumza lai,” a ti.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MARK 12:14

Chun, annih chu an hawng tlung rawh chun a sinah, “Sîntirtu, mi dik tak na si le, âukhawm ṭih leh zah khun na nei lo ti kan theih, âukhawm thliar leh dang lo hen, sîset hen Pathian lei thu na sîntir tâwn asi. Kaisar sinah siah châwi hi dân asi ma, si lo? Kan pêk lai ma, pêk lai lo?” an ti.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

LUK 20:21

Annih nih chun a sinah, “Sîntirtu, dik tak hen thu na sim hen, âukhawm thliar leh dang nei lo hen Pathian thu na sîntir tâwn ti kan theih;

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.

DEUTERONOMY 33:8

Levi phun thu a sim: “LALPA, nangmah nih; na duhzia chu Urim leh Thummim hen hawng langh, Na to-aw zumhkâi Levi tla mang hen: Masah ah niksak na dêl na le, Meribah tî ah diknâk ah na nik na.

DEUTERONOMY 33:9

Nu leh pa tla, unau tla, fa tla sin ngâk hen na sinah zumhkâi dauhnâk an langhtir. Na thupêk tla chu an zûl hen, Na thudântuk lakah zumh an kâi.

THUPHUANG 14:5

Diklonâk âwkrâwl an sim mi âunih khawm an theih dahlo.

1 SAMUEL 2:12

Eli fapa tla chu mi rualo tak an si, LALPA thu khawm an ngâilo.