MALAKI 2:4 - Bawm Common Language Bible Version

⁴ Churawhchun, thupêk kan pêk na mi asi ti nan theih lai rawh le, bâwlpu leh Levi thlâk tla hen thudân ka tuk mi â râwk lonâk ding hen.

MALAKI 2:4 ပူးပေါင်းရင်းမြစ်များ

1 Lal 22:25

Mikaiah nih a sâng le, “In kardang sungah a thup ding hen na lût tikah na theih lai,” a ti.

NEHEMIAH 13:29

Pathian, hi bang mi tla nih bâwlpu rianṭuannâk mun leh bâwlpu leh Levi tla sinah thudân na tuk mi tla an buar mi chu theihkumza rawh.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

JEREMIA 28:9

Sikhawmsele, khuavâng thlangamnâk thu simkantu chu a simkan mi dik tak hen a hawng tlung tik cho ah LALPA nih a fial mi khuavâng tak asi ti pawm kho asi lai,” a ti.

EZEKIEL 33:33

Sikhawmsele na thusim zawzawng a dik tak hen a hawng tlung tik chun annih khawm an dik bâk lai le, chu tikah an lakah khuavâng a um ti an theih lai,” a ti.

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

NUMBER 18:2

Na fapa tla leh nangnih Puanin ah rian nan ṭuan liauah ṭuan ding leh an bawmh natu ding hen na unau Levi chi tla chu kalpi na.

NUMBER 18:21

LALPA nih, “Israel mi tla nih parâ lû ah pakhat an ka pêk mi vial chu Levi tla rangah ka pêk na. Hi hi ka umnâk Puanin zauhkhenhnâk rian an ṭuan mi man ah pêk mi chu asi.

NUMBER 25:12

Churuang chun a sinah zeiliau zawng rang ding ah thudân ka tuk asi ti simh.

NUMBER 3:11

LALPA nih Mosi sinah,

NUMBER 3:12

“Levi chu ka tâ ding an si, Aigupta mi fa tîr ka thah liau khan Israel dâwngsungkhur kip ah fapa tîr leh ran lakah suak masa chem chu ka tâ rang ding ah ka thenhlimhtir rawh. Tuah Israel dâwngsungkhur lakah fapa tîr tla ruangrûl ah Levi tla kâ ting rawh; ka tâ an si rawh. Kei, LALPA kasi,” a ti.

NUMBER 3:45

“Tuah Levi tla chu Israel fapa tîr zawzawng ruangrûl ah ka tâ ding hen hawng ap le, Levi ranrual tla chu Israel ran zawzawng fa tîr mangrûl ah hawng ap.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

LUK 10:11

‘Nan khua valeidip kan kezaphah ah kawp khawm hi nan lakah kan tât hi; sikhawmsele, Pathian Ram nan kiangah a hawng tlung rawh ti theih u,’ ti u.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.