MALAKI 1:8 - Bawm Common Language Bible Version

⁸ Bâwlnâk ah ran a ngawr mi mawh, a mit a chaw mi mawh, a khêng mi mawh nan hawng put mi lakah zeikhawm diklonâk umlo hen ma nan ruat? Lâirêltu sinah chubang hâwi ran chu pêk nik kher u! A nan lawmh na hen an sunhsak na lai ma?” a ti.

MALAKI 1:8 ပူးပေါင်းရင်းမြစ်များ

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

SAM 20:3

Na thilpêk tla zawzawng an pawm piak hen, na bâwlnâk ah chun a lâwm seh.

JEREMIA 14:10

LALPA nih chu minung tla thâwngthâng chu a sim le, “Ka sinah mi tek ding an duh le, anna sûm lai lo. Churuangah an tlûnah ka lâwm lo. An thilsual ti chu ka theihkumza lai le, an sualnâk ruangah ka rêp na lai,” a ti.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

HAGAI LASUIBU 1:1

Persia lal Darias a lalnâk thawk hen a kum nihnâk a thla ruknâk a ni khat ni ah LALPA nih khuavâng Hagai mang hen thu a sim. Chu thuchah chu Juda lâirêltu, Sieltiel fapa Zerubabel leh Jehozadak fapa Bâwlpu Lian Josua rang ding mi asi.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MALAKI 1:7

Nan ka zauhnawmhnâk chu mâichâm ah sang nâwmtâm nan hawng ap mi lakah asi. Asi chun, ‘Nang rangah zeitin kan zah lo zia?’ nan ti le, ka mâichâm nan siarlo mi ruangah asi ti kan simh na.

DEUTERONOMY 15:21

Sikhawmsele, ran lakah diklonâk a um chun, a khêng hen mawh, a mitchâw hen mawh, râwknâk lian tak a um asi chun LALPA sinah bâwlnâk ah nan mang ding asi lo.