MALAKI 1:6 - Bawm Common Language Bible Version

⁶ LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MALAKI 1:6 ပူးပေါင်းရင်းမြစ်များ

SAM 123:2

LALPA, kan Pathian, to-aw nih a pu a ngauhsan hâwi hen leh to-awnu nih a pi a ngauhsan hâwi hen, kan lakah khua na ruat lânlo chu nangmah lei kan hawng hawi kumza lai.

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

THUFING LASUIBU 17:6

Tar tla nih an tu tla an rinhsanh le, mipa ngâksia tla nih an pa an rinhsanh na mi hâwi hen.

THUFING LASUIBU 30:11

Mi zeimaw mi nih an pa siat an barh le, an nu thinlung duhzia hen an umlo.

THUFING LASUIBU 30:17

Âuzawng a pa nihsanhtu leh a tar nûnah a nu zauhnawmhtu chu, mulukawlh nih a sa an ei hen langâk tla nih a mit chawih seh.

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 43:23

Na dawrâ duahphung thil ap khawm na hawng ka put piak lo rawh; bâwlnâk hen khawm na ka zahnâk na langh lo rawh. Thil ap ngiar hen thilrit ka nan pêk lo, rimthâw ngiar hen nengtawr kan kâitir lo.

ISAI 45:10

Âutal nih a nu leh a pa sinah, “Zeirang hi hâwi hen nan hawng ka siam?” a ti ngam mazei?

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

ISAI 64:8

Sikhawmsele, LALPA, nang chu kan pa na si. Kannih chu sunhtlung valei hâwi kan si, nang chu bêl hêmtu hâwi na si. Nangmah siam mi kan si,

JEREMIA 23:11

LALPA nih, “Khuavâng leh bâwlpu tla khawm pathian nei lo mi an si; Pathian Biakin takah thilsual an ti mi ka tleih na.

JEREMIA 3:4

“Chun tuah, ka sinah, ‘Nang chu ka pa na si le, ka ngâksiatê thawk hen na ka dâwt.

JEREMIA 31:9

Ka mi tla chu ṭap bû leh thlacham bû hen ka kîrpi na lai. Tinungva leiah suih bah umlonâk lam tluang ah ka kalpi na lai. Israel tla lakah chun pa hâwi kasi le, Efraim lam chu ka fa upachem asi,” a ti.

JEREMIA 35:16

Jonadab thlâk tla nih an thlâktu nih thu a pêk na mi chu an ngâi le, sikhawmsele nannih lam nih chun ka thu nan zûl lo.

EZEKIEL 22:26

Bâwlpu tla khawm nih ka dân an buar le, thil thenhlimh tla zahnâk an nei lo. A thenhlimh mi leh a thenhlimhlo mi thliarnâk zeikhawm an nei lo. Thil thenhlimh leh a thenhlimhlo mi thu ah an sîntir lo, Dinhni khawm an sunhsak lo. Churuangah Israel mi tla nih an hawng ka zah lo.

HOSEA 12:8

‘Kan nei asi,’ an ti. ‘Kan vân a ṭha, âukhawm nih kan neih hi tawng dân dik asi lo ti hen hawng kan sâwi lai lo,’ an ti.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

HOSEA 5:1

“Nannih bâwlpu tla, hi hi ngâi u! Israel mi tla, ngâi u! Nannih lal dâwngsung si mi tla, ngâi u! Dik tak hen lâi nan rêl ding asi. Nan tlûnah lâirêlnâk a hawng tlung lai. Mizpah ah chun thang nan si le, Tabor tlâng tlûnah lên zâr mi nan si,

LEVITICUS 19:3

Mikip nih nan nu leh nan pa nan zah ding asi; thu kan pêk na mi hâwi hen Dinhni nan ulh ding asi. Kei, LALPA nan Pathian kasi.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.

MALAKI 2:1

LALPA Zeizawng tikho nih bâwlpu tla sinah, “Hi hi nan rangah thupêk chu asi:

MALAKI 2:10

Kan ektê hen kan pa â khat mi asi lo ma? Pathian pakhat nih hawng kan siam mi ver asi lo ma? Chu hâwi asi mi zei rangah khatlei khatlei thu kanna tiam mi chu kan râwk hen hawng kan thlâktu nih Pathian hen thudântuk an siam mi chu kan siarlo zia?

MALAKI 2:8

“Sikhawmsele, tuah nannih bâwlpu tla, diknâk lampi mi chu nan pial rawh, nan sîntirnâk nih mi tam tak nih thil diklo ti ding hen a kalpi na. Nan sinah ka thudântuk chu nan râwk rawh.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 15:4

Pathian nih, ‘Na nu leh na pa chawnglawmh rawh,’ ‘Âuzawng a nu mawh a pa mawh simsiattu chu thi ngelchel seh,’ a ti ruangah.

MATHAI 15:6

Chun, nan thurovuih ruangah Pathian thu chu nan thlâu phah rawh mahi.

MATHAI 19:19

na nu leh na pa chawnglawmh rawh,” ti mi tla leh, ‘Nangmah na dâwt hâwi hen na zâwlbâwm tla na dâwt ding asi,’ ti hi,” a ti.

MATHAI 6:9

Chuvachun, nannih nih chun hi hâwi hen thlacham u: ‘Kan Pa vân ah mi, Na min zah hen um seh.

MATHAI 7:21

“ ‘Lalpa, Lalpa’ hawng ka titu namên Vân Ram ah an lût lai lo; ka Pa vân ah mi duhzia titu lam chu an lût lai.’

MARK 10:19

Thupêk tla chu na theih ko khateh, ‘Mi thah lah, ṭângdang pawmtâk lah, fîr lah, theihpitu âwkrâwl ah suak lah, bum lah, na nu leh na pa zah rawh,’ ti tla hi,” a ti.

MARK 7:10

Mosi nih, ‘Na nu leh na pa chawnglawmh rawh,’ ti leh, ‘Âuzawng a nu mawh a pa simsiattu zawng chu thi ding asi,’ a ti khateh.

LUK 10:29

‘Sikhawmsele, anih nih chun mawh duh lo tuk ah, Jisu sinah, “Ka zâwlbâwm tla chu âu mesi?” a ti.

LUK 18:20

Thupêk tla na theih khateh, ‘Ṭângdang pawmtâk lah, fîr lah; phiar lah, na nu leh na pa chawnglawmh rawh; ti tla hi,’ ” a ti.

LUK 6:36

Nan pa nih mi a zângfah hâwi hen zângfah bâk u.”

LUK 6:46

“Chun, nannih nih zei rangah me ka thu zâwt ṭung lo hen, ‘Lalpa,’ nan ka ti lemang?

EPHESI 6:2

“Na nu leh na pa chawnglawmh rawh” (chu chu thupêk masa chem, thutiam sap mi chu asi);

DEUTERONOMY 1:31

Him tak hen hi mun tiang ah pa nih a fapa a rui mi hâwi hen an rui na mi nan muh asi!

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.