MALAKI 1:11 - Bawm Common Language Bible Version

¹¹ Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MALAKI 1:11 ပူးပေါင်းရင်းမြစ်များ

1 CHRONICLES 16:25

LALPA chu a rokual le, fâk tak hen sawr ding asi; pathian dang zawzawng ngâk hen amah chu zah ding asi.

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 113:3

Saklei thawk hen thlanglei tiang hen LALPA min sawr u.

SAM 138:5

Na thilti leh na rokualnâk chu la hen an sak lai.

SAM 141:2

Ka thlachamnâk hi rimthâw hâwi hen hawng ka pawm piak le, ka kut phar tla hi zânlei bâwlnâk hâwi hen.

SAM 45:17

Ka la nih chun zungzâl hen na min a thangtir kumza lai le, tik hawng um ding mi zawzawng lakah mikip nih an sawr lai.

SAM 48:10

Mun kip ah mi nih an sawr le, na min thangnâk nih tual zawzawng a khattir. Rep tak hen lâi na rêl le,

SAM 48:11

Zion mi tla chu a lawm na seh! Lâirêl ding hen thuneihnâk na pêk le; Juda khuapi ah chun lâwmnâk na umtir.

SAM 50:1

LALPA, Pathian zeizawng tikho nih saklei, thlanglei laikulh zawzawngah mi a kawh na le, thu a sim:

SAM 65:9

Ruah na sûrtir mi nih ram na kilkâwi zia a langhtir le; neih tirnâk leh ṭhattirnâk na pêk. Tiva tla chu tî hen na khattir le; tual tla chu rah na suahtir. Na ti dân chu hi hi asi:

SAM 67:2

Laikulh pumpi nih na duhzia theih ding hen leh phun zawzawng tla nih na ruangsuahnâk theih ding hen.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

SAM 96:8

LALPA min rokual chu sawr ule, thilpêk tla put hen a Biakin ah hawng u.

ISAI 12:4

Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 12:5

Thil rokual tak a ti mi ruangah LALPA sinah la sak u. Laikulh pumpi nih a thâwng theih na seh.

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 30:27

LALPA rokualnâk leh thiltikhonâk chu a râltlâng hen muh kho asi lai. Mei leh a khû nih a thinthawknâk a zauhtir. Thu a sim le a thu nih mei hâwi hen a khangh.

ISAI 45:6

Laikulh khatlei dawnghnâk thawk hen khatlei dawngh tiang mikip nih LALPA kasi ti leh pathian dang rerêng a um lo ti an theih khonâk ding hen hi hi ka ti mi asi.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

DANIAL 2:45

Âu tawngh tham lo hen lung a beuh le, a hawng rîl mi nih milem, thîr, dâr, valei, tangkasa, ngûn hen siam mi a denh mi na muh. Pathian rokual nih hi nûnthâi ah thil a hawng tlung ding mi nang lal rangah a nan simh mi asi. Na mang na manh mi tak leh a simfiangnâk chu ka nan simh hen ka nan pêk rawh asi,” a ti.

AMOS 9:12

Israel mi tla nih Edom ram leifuan leh a lânah mi phun ka tâ si rawh mi tla chu an neh na lai,” hi hâwi hen hawng tlung tirtu LALPA nih a sim.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

ZEPHANIAH 3:9

“Churawhchun, phun tla lakah minung tla chu an umdân ka dangtir lai le, pathian dang sawnhlo hen keimah cho an hawng ka sawnh lai rawh. An ektê hen an hawng ka lung hep lai rawh.

ZEKARIA 8:7

Kalpi ving hen ka mi tla an umnâk ram a mi chu ruang ka suah na lai le,

MALAKI 1:14

Mang tlâklo mi ran hen zauhnawmh tak hen hawng ka pêktu sinah siat um seh. Ka sinah a tiamh liauah chun a ranrual lakah a ṭha mi pêk ding â tiam! Kei chu phun zawzawng nih an hawng ka ṭih mi lal rokual tak kasi,” a ti.

MALAKI 3:3

Mi nih tangka a êr le, a thenhlimhtir mi hâwi hen lâirêl ding hen a hawng lai. LALPA sinah bâwlnâk dik tak an pêk khonâk ding hen LALPA mifial nih chun thîr siamtu nih tangka leh ngûn a êr mi hâwi hen bâwlpu tla chu a thiangtir na lai.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

LUK 1:10

Chun, rimthâw a duah liauah mi zapi nih an ektê hen lêng ah thla an cham.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.

2 THESALONIKA 1:12

Kan Pathian leh Lalpa Jisu Krist zângfahnâk hâwi vima hen kan Lalpa Jisu min chu nanmah lakah chawnglawmh hen a um kho lai le, nannih khawm amah lakah chawnglawmh hen nan um kho lai.

1 TIMOTHE 2:8

Chun, mipa tla nih munkip ah kut thenhlimh phar hen thinrun lo leh a êl lo hen thlacham ule ka duh asi;

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.