MALAKI 1:10 - Bawm Common Language Bible Version

¹⁰ LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MALAKI 1:10 ပူးပေါင်းရင်းမြစ်များ

2 Lal 12:6

Sikhawmsele, Joash nih lâi a rêl mi kum kul leh kum thumnâk tiang khawm ah Biakin chu remh asi dahlo rih.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

JEREMIA 14:10

LALPA nih chu minung tla thâwngthâng chu a sim le, “Ka sinah mi tek ding an duh le, anna sûm lai lo. Churuangah an tlûnah ka lâwm lo. An thilsual ti chu ka theihkumza lai le, an sualnâk ruangah ka rêp na lai,” a ti.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

HOSEA 5:6

LALPA sinah bâwlnâk ah an dawrâ leh an ranrual tla an put le, sikhawmsele an rangah zeikhawm a ṭhatnâk a um lo. A kaltâk na rawh ruangah amah chu an tawng kho lo rawh.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MALAKI 1:13

‘Nengtawr a kâi!’ nan ti le, nan nâr nan hawng ka phît nawh. Thil ap nan hawng put mi tla chu ran fîr mi tla mawh a khêng mi tla mawh a ngâwr mi tla an si. Chubang hâwi mi chu pawm ding hen ma nan hawng ka ruat?

MALAKI 2:12

Israel murui lakah chubang hâwi titu chu, LALPA, Zeizawng tikho sinah phun thil ap lakah a tel lah seh.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

JOHAN 10:12

Lawh kal mi, dawrâ vêngtu tak silo hen dawrâ tla a tâ silo mi nih chun chingngia a hawng kal mi a muh chun dawrâ tla a tektâk tâwn; chun chingngia nih chun a seh na le, a rektir phin na tâwn;

1 KORIN 9:13

Zarh thil timhtuahtu tla nih chun Pathian Biakin ah mi thil an ei mi leh mâichâm ṭuantu tla nih chun mâichâm ah tingvo an nei ti nan theih lo mazei?

PHILIPI 2:21

An ektê hen Jisu Krist rangah hâwl lo hen, mah rangah an hâwl tâwn.

HEBRAI 10:38

Sikhawmsele, ka mirep chu lungnâk hen a nung lai, dunglei ah a kîr lam chun amah lakah lâwmnâk rêng ka nei lai loh,” a ti.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.