LUNGFÂKNÂK 5:3 - Bawm Common Language Bible Version

³ Kan pa tla chu mêlma tla nih an thah na le, tu chun kan nu tla chu numei an si rawh.

LUNGFÂKNÂK 5:3 ပူးပေါင်းရင်းမြစ်များ

EXODUS 22:23

Nan nehsawh asi chun, Kei, LALPA sinah ṭangpi deih hen an âu mi chu ka sâng na lai le,

EXODUS 22:24

ka thinthawk lai le, râltuknâk ah kan thah na lai. Nan nupi tla chu numei an si lai le, nan fa tla chu pa nei lo an si lai.

JEREMIA 15:8

Tipi kapah mi risep ngâk hen nan ram ah mi numei tla an tam dauh rawh. Nan tlangvâl tla chu an ṭhat liauah ka thah na le, an nu tla ka tuartir na. Lungdawnghnâk leh ningṭihnâk hen ka vuak chawlh na.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.