LUNGFÂKNÂK 5:13 - Bawm Common Language Bible Version

¹³ Kan tlangvâl tla chu sal hâwi hen zângran hen fâng an rial tir na le, mipa ngâksia tla khawm hâwr lemang hen thing rit tak an phurhtir na.

LUNGFÂKNÂK 5:13 ပူးပေါင်းရင်းမြစ်များ

JOB LASUIBU 31:10

ka nupi chu midang mipa eibâr siamtu si hen, midang mipa ihkhun ah it seh.

EXODUS 1:11

Churawhchun, Aigupta mi tla nih anmah neh ding hen rian fâk tak ṭuantir na ding hen vêngtu tla an siah. Churawhchun, Israel tla nih lalchem rangah thil-leh-rî siahnâk ding hen Pithom leh Rameses khuapi an siam.

EXODUS 11:5

Aigupta ram ah mi fapa tîr lalchem fapa a ro thâwntu ding mi thawk hen fâng rialtu sal nunau fapa tiang an thi lai. Ran lakah khawm ring masa chem mi an thi lai.

EXODUS 2:11

Mosi chu a hawng lian vima le, a mi Hebrai mi tla va zauh na ding hen a suak le, rian hamh tak an ṭuantir na mi a muh rawh. Aigupta mi nih amah mi Hebrai minung a thah mi a muh rawh.

EXODUS 23:5

A sanatung a thilphurh nih a denh chun, kaltâk lo hen thawh le, ṭangpi rawh.

ISAI 47:2

Na fângrialnâk lung chu zît le, sangvut rial! Na khuhnâk puan lît! Na puan dawh tla lît! Tiva tan ding hen na nufên lîm!

ISAI 58:6

Kei nih ka duh mi buh ngei dân chu hi hi asi: Nehsawhnâk rêngrî chu sût piak hen, ritphurhnâk diklo tla lît piak hen nehsawh hen um mi tla suah na ding mi chu asi.

JEREMIA 7:18

Ngâksia tla nih tih ding mi thing an khawmh le, mipa tla nih mei an tih le, nunau tla nih Vân Lalnu an ti mi pathiannu rangah sang em ding mi an chawmh. Keimah lungfâktir ding hen pathian dang tla sinah uain ap mi tla khawm an tawih.

MATHAI 23:4

Ritphurh hamhkâi tak an siam le, mi tak tlûnah an thâng tâwn le, anmah lam nih chun an kut dawng khawm hen an ṭhial duh lo.

LÂIRÊL 16:21

Philistia tla nih an tleih le, a mit an chawih zek. Gaza ah an kalpi le, dâr chikchîn hen an khih le, rêngin ah rialnâk khâwl ah rian an ṭuantir.