LUNGFÂKNÂK 4:6 - Bawm Common Language Bible Version

⁶ Ka mi tla nih Sodom khua mi tla ngâk hen rêp an tuar fâk dauh le, chu tla chu lâkkhatko ah Pathian kut hen niamh ving hen an um.

LUNGFÂKNÂK 4:6 ပူးပေါင်းရင်းမြစ်များ

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

GENESIS 19:25

chunah minung zawzawng tla, chu ram ah thil a kho mi zawzawng a veih hep na.

ISAI 24:2

Mikip bâwlpu tla leh mi zapi, sal leh hotu, châwktu leh zuartu, lângtirtu leh pûktirtu, minei leh mipâm bang hep hen an thi lai.

JEREMIA 20:16

Khuaruatnâk nei lo thlo hen LALPA nih a râwk mi khuapi hâwi si seh.

JEREMIA 23:14

Sikhawmsele, Jerusalem khuavâng bilik nih an sual khun mi ka muh: ṭângdang pawmtâk hen âwkrâwl thu tla an sim; thil diklo ti ding hen mi tla an ṭangpi na, Mi âukhawm nih thilsual ti an bâng lonâk ding hen. Kei rangah an ṭhatlo zia chu an ektê hen Sodom leh Gomorah mi tla hâwi hen an ṭhalo.

LUNGFÂKNÂK 4:9

Râltuknâk ah thi mi chu, a nehnûnah sungvâng hen âukhawm buh pêktu umlo hen, tuar kho lo rawh ruangah thi mi ngâk hen a ṭha dauh.

DANIAL 8:25

Krai thiam tak asi ruangah a perpetnâk ah chun a dingchang vima lai, thungâi hen â zûm lai le, zeikhawm simhkannâk umlo hen mi tam tak a veih na lai, lal zawzawng lakah a lianchem mi men a zuam lai le, sikhawmsele minung thiltikhonâk manglo hen veih hen a um.

DANIAL 9:12

Kanmah leh kan lâirêltu tla sinah ti ding hen na sim mi chu na ti tâwn. Mosi dân lakah rêpnâk zawzawng rîn hen a um mi tla chu khua dang tla ngâk hen Jerusalem ah mi na rêpnâk a fâk dauh, sikhawmsele

MATHAI 24:21

Chu tikah chun hamhnâk fâk tak a um awt ruangah; chu hâwi hen a fâk mi chu tual umtir thawk hen tutiang hen a um dah lo le, um khawm zeitik khawm ah a um nawlh lai lo rawh.

LUK 10:12

Ka nan ti na, chu ni ah chun chu khua tuar ding ngâk chun Sodom khua tuar ding chu a ziachâng um dauh lai.

LUK 12:47

“To-aw a pu duhzia theih ko na hen râlring lo hen a pu duhzia hâwi khawm tilo mi chu vei tam tak vuak asi lai;