LUNGFÂKNÂK 4:21 - Bawm Common Language Bible Version

²¹ Sodom leh Uz mi tla, nan tikho liauah a lâwm ule, ni u. Na siatnâk a hawng tlung bâk rawh; nang khawm takkaro, ningzakkâi tak hen na hâwr bâk lai.

LUNGFÂKNÂK 4:21 ပူးပေါင်းရင်းမြစ်များ

GENESIS 36:28

Disan chu Uz leh Aran phun tla thlâktu asi.

2 CHRONICLES 28:19

Lalchem Ahaz nih a mi Juda tla diknâk chu a râwk le, LALPA a siarlo ruangah LALPA nih nawknâk a tlungtir mi asi.

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

SAM 137:7

LALPA, Amor tla nih Jerusalem an lâk liauah an thilti tla theihkumza rawh. “Tual ah siat ule, thlâk ver u! ” an ti mi tla theihkumza rawh.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

JEREMIA 49:12

“Rêp ding hen a dêng lo mi khawm nih rêpnâk hâi a din bâk lai, rêp lo hen um ding ma nâ ruat? Si rîlmâl lo, hâi lakah mi chu na din ding asi!

JEREMIA 49:7

Hi hi LALPA Zeizawng tikho nih Edom thu a sim mi chu asi: “Edom mi tla nih an lâirêlnâk ṭha an thlâu rawh na maw? Simhtu nih ti ding mi chu an simh kho na lo rawh ma? An finghnâk zawzawng a vei rawh na maw?

EZEKIEL 25:6

“Hi hi LALPA Zahkâi nih a sim mi chu asi: Nan za nan bengh le, lâwm bû hen nanna lawk. Israel ram nan zauhnawmh.

EZEKIEL 25:8

LALPA Zahkâi nih, “Moab nih Juda chu phun dang tla hâwi ber asi a ti ruangah,

EZEKIEL 26:2

“Thikho mi minung, hi hi Tura khuapi mi tla lawmhnâk chu asi. ‘Jerusalem khuapi chu a râwk rawh! A sâwlehnâk thiltikhonâk khawm a vei rawh! Hawng kan dotu asi lai lo rawh!’ ti hen an âu.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

OBADIAH 1:1

Hi hi Obadiah thusim chu asi– LALPA Zahkâi nih Edom phun tla thu a sim mi asi. LALPA nih phun tla sinah thu a chah mi chu kan theih: “Edom tla do ding hen, kan kal lai a tîm u!”

MIKAH 1:11

Nannih Saphir mi tla, takkaro leh ningzak bû hen sal ah kal u. Zaanan ah um mi tla chu an khuapi thawk hen an hawng suak ngam lo. Bethezel ah um mi tla an lungfâk mi nan theih tik chun chunah himnâk a um lo rawh ti nan theih lai.

HABAKUK 2:16

Chu ruangrûl ah nang khawm mi nih an zah ding ngâk hen mualphoh hen na um lai. Nang ngelchel khawm na din hen na hâwr lai. LALPA nih an rêpnâk hâi na din lai. Zah hen na umnâk chu ningzak hen a um lai.

THUPHUANG 16:15

Ngainik, mifîr hawi hen ka hawng kal awt, râlring hen nipuan aih kumza hen a um mi chu a thaw a suak, chu lo chun takkaro leh mualpho hen a um sual lai.