LUNGFÂKNÂK 4:20 - Bawm Common Language Bible Version

²⁰ LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

LUNGFÂKNÂK 4:20 ပူးပေါင်းရင်းမြစ်များ

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

GENESIS 44:30

Juda nih a thusim chu a pehpar vima rih le, “Pu, tuhin, hi kan naupa lo hen ka pa sinah ka kîr mi asi chun ka sinah a tlung bâk lo mi a muh kâ hen a thi chawlh ding ko rawh. A nungnâk chu chu ngâksia nungnâk hen â tlâi mi asi le, a tar tuktarâi ruangah kan ngaihsiat tirnâk nih a thah lai.

2 SAMUEL 1:14

David nih, “Pathian thîm mi lal zeitin na thah ngam?” a ti.

2 SAMUEL 1:21

“Gilboa tlângah chun ruah sûr lah sele, Dâmtî khawm tlâ lah sele, a phâisen tla khawm nih rah suah lah seh! Chunah chun mi râlṭha phaw mualpho tak hen a um ruangah, Saul phaw chu sariak hen chulh asi lai lo rawh.

2 SAMUEL 18:3

Annih nih, “Kan sinah na hawng lai loh, kan lakah mi tam tak tek hen mi khingkhuai chu thi khawmsele zeikhawm â theih lai loh; sikhawmsele nang chu mi sîng khat ngâk hen na sung dauh, khuapi ah um hen ṭangpinâk na kan pêk mi a ṭha dauh asi,” an ti.

2 SAMUEL 19:21

Zeruiah fapa Abisai nih, “Shimei chu LALPA nih lalchem rangah a thîm mi siatbarhtu asi ruangah thah ding asi,” a ti.

2 CHRONICLES 35:25

Khuavâng Jeremia nih lalchem Josiah lakah lungfâknâk thu a phuah. Nunau khawm mipa khawm Josiah rangah lungfâknâk la an sak mi chu Israel ram ah dân hâwi hen an nei. Hi la hi sûnnâk la phuah mi tla lakah a um.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

JEREMIA 39:5

Sikhawmsele, Babulon kawrsen nih an ṭhâwl na le, Jeriko kiang mi phâi ah Zedekiah chu an tleih rawh. Churawhchun, lalchem Nebukadnezar, Hamat ram ah Riblah khuapi ah a um mi sinah an kalpi le, chunah chun a tlûn thu lâi a rêl piak.

JEREMIA 52:8

Sikhawmsele lalchem Zedekiah chu Babulon kawrsen tla nih an ṭhâwl le Jeriko kiangah mi phâi ah an tleih le, a kawrsen tla nih an tektâk.

JEREMIA 52:9

Zedekiah chu lalchem Nebukadnezar, Hamath ram ah Libnah khua ah a um mi sinah an kalpi, chunah chun Nebukadnezar nih a rêp.

LUNGFÂKNÂK 2:9

A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

EZEKIEL 12:13

Sikhawmsele, ka lên ka zâr lai le, chu lakah ka tângtir awt. Churawhchun, Babulon khuapi leiah ka put lai le, chunah chun khua muh lo hen a thi lai.

EZEKIEL 17:18

A thutiam leh siat tleih a buar rawh. Hi bang thil zawzawng hi a ti rawh le, tu chun a suak lai lo rawh,” a ti.

EZEKIEL 31:17

Tlû rawh mi tla sinah laikulh thihnâk ah an kal lai. A thlaliah tangah umtu tla zawzawng chu phun tla lakah anna rekrâwi lai.

DANIAL 4:12

A nah tla chu thungâi â dawh le, laikulh pumpi ei khawp ding hen kûr ût hen a rah, ramsa tla chu a dâidul ah anna dîn le, va tla nih a ngê lakah bû an khuar le, thilnung chi kip nih a rah an ei.

HOSEA 13:10

Lal leh ruitu tla nan ngiar na, sikhawmsele annih nih zeitin phun an hum kho awt?

LÂIRÊL 9:15

Chu bualingnei nih a sâng le, ‘Nan lalchem siding nan ka duhtak mi asi chun hawng ule, ka thlaliah tangah a dawr u. Chu hâwi nan tilo chun ka ling ṭeng tla lakah mei a hawng alh lai le, Lebanon Tlângah sidar thing tla chu a kâng lai,’ a ti.

1 SAMUEL 12:3

Hi mun ah ka um hi. Nan lakah ka palhnâk thil a um chun, LALPA leh a thîm mi lalchem mâika ah tuah hawng ka phiar u. Mi chawpe ma ka fîr? Asi lo leh, mi sanatung ma ka fîr? Mi âutal ka perpet hen ka nehsawh ma? Midang thawk hen nawhnâk tla ka lâk tâwn ma? Hi ka ti mi asi chun ka rulh lai,” a ti.

1 SAMUEL 12:5

Samuel nih a sâng le, “Zeikhawm ka palh-le-rahnâk nan tawng lo mi lakah hin tusûn ah LALPA leh a lal thîm hi theihpitu si seh,” a ti. Annih nih, “Asi, LALPA chu hawng kan theihpitu asi,” ti hen an sâng.

1 SAMUEL 16:6

An va tlung rawh chun, Samuel nih Jese fapa Eliab a muh le, “A thinlung hen hinah LALPA mâika ah a dîr mi hi thîm mi asi ngelchel lai,” ti a ruat.

1 SAMUEL 24:10

Nangmah ngelchel nih pûk ah na um liauah LALPA nih ka kut ah a nan pêk mi na muh asi. Ka mi tla nih nangmah thah ding hen an hawng ka fawrh le, sikhawmsele ka nan zângfah le, LALPA nih lalchem ah a nan ruat mi asi ruangah tâwmtê khawm nganfâk ka pêk awtlo ka ti.

1 SAMUEL 24:6

A mi le tla sinah, “LALPA nih ka hotupa lalchem ah a siam mi chu nganfâk ka pêk lonâk ding hen hawng ka hum seh! LALPA nih lalchem rangah a ruat mi asi ruangah tâwmtê khawm nganfâk ka pêk ding asi lo!” a ti.

1 SAMUEL 26:16

Na rianṭuan ding mi na palh thlo, Abner! LALPA, a nung mi min sal hen ka sim asi, nan pu LALPA nih lalchem ah a thîm mi ṭhadek nan vêng lo ruangah nan ektê hen thi tlâk nan si. Zauh! Zeiah lalchem fei a um? A zeiah a lû kiang mi tî dûr a um?” a ti.

1 SAMUEL 26:9

Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.