LUNGFÂKNÂK 3:51 - Bawm Common Language Bible Version

⁵¹ Khuapi sungah mi nunau tla lakah thil a hawng tlung mi ka muh hen ka thinlung a ngaihsia.

LUNGFÂKNÂK 3:51 ပူးပေါင်းရင်းမြစ်များ

GENESIS 44:34

Hi ka nau lo hen zeitin ka pa sinah kei ka kîr kho zia lai? Ka pa tlûnah siatnâk a hawng tlung ding mi muh ding ka tuar kho awtlo,” a ti.

JEREMIA 11:22

Churuangah, LALPA Zeizawng tikho nih, “Ka rêp na lai! An tlangvâl tla chu râltuknâk ah an thi lai le, an fa tla chu buh ngei hen an thi lai.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 19:9

Mêlma nih khuapi chu an kulh lai le, a mi tla thah ding an tum lai. Chu khua an hual mi chu ṭihnung a kâi tukah khuapi sungah mi tla chu anmah leh anmah anna ei lai le, an fa tla tiang an ei lai,” a ti.

LUNGFÂKNÂK 1:18

“A thu ka ngâilo menza khawmsele LALPA chu a dik asi. Mun kip ah mi tla, ngâi ule; ka nganfâk tuar hi hawng ka zauh u. Ka tlangvâl leh nunau tla khawm sal ah an put hep na.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

LUNGFÂKNÂK 3:50

LALPA nih vân thawk hen hawng ka zauh hen hawng ka muh lânlo chu.

LUNGFÂKNÂK 3:52

“A san umlo hen hawng ka hua tuk, a mêlma nih va hâwi hen an ka rêng.

LUNGFÂKNÂK 5:11

Kan nupi tla chu Zion tlângah tleihrêm hen an um le, Juda khua kip ah kan fanu tla chu an zângsual na.