LUNGFÂKNÂK 3:40 - Bawm Common Language Bible Version

⁴⁰ Kan umdân dawn set hen LALPA sinah kan kîr ding asi.

LUNGFÂKNÂK 3:40 ပူးပေါင်းရင်းမြစ်များ

2 CHRONICLES 30:6

Lalchem thupêk hen mifial tla chu an suak le, Juda leh Israel ram pumpi mi tla chu hi sâwmnâk thu hen a sâwm na: “Nannih Israel mi tla, Asiria tleih bang tla, LALPA, Abraham, Isak, Jakob tla Pathian sinah hawng kîr ule, nan sinah a hawng kîr bâk lai.

2 CHRONICLES 30:9

LALPA sinah nan hawng kîr chun nan unau sal ah put hen an um mi tla khawm anmah a lungkham na lai le, in leiah a tlungtir nawlh na lai, LALPA nan Pathian chu mi vêlnei leh khuaruat kho mi tak asi, a sinah nan kîr chun anih nih a nan pawm na lai,” ti hen.

SAM 119:59

Ka umdân hi ka dawn le, na sîntirnâk zûl ding hen thu ka tiam.

SAM 4:4

Ṭih ruangah thir hen sualnâk bângtâk, thûk tak hen hi hi dawn, na ihkhun ah dâisip hen na it liauah,

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

EZEKIEL 18:28

A theihthiam ruangah thilsual a ti mi chu a bâng le, churuangah a thi lai lo le, a nung lai.

HOSEA 12:6

Churuangah Jakob thlâk tla, tuah nan Pathian chu rinhsanh ule, a sinah kîr u. Zumhkâi leh rep tak hen um ule, nan Pathian nih thilti ding mi dawnh kho tak hen ngâk rarâm u.

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

1 KORIN 11:28

Chun, mi a nik sawm seh, chu hâwi hen sang chu ei hen hâi chu din seh.

1 KORIN 11:31

Sikhawmsele, mah leh mah a nik masa sele, Pathian lâirêl hen kan um lo ding mi,

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

DEUTERONOMY 4:30

Nan lawksawng hen chubang thil tla chu nan lakah a hawng tlung tikah a dawnghnâk ah amah leiah nanna her lai le, a thu nan ngâi lai.